في عفيف احــب شخصٍ تـــلّ قلبي وألتوى به

[بنت الروقه]

الف شكر لكم مانحرم من طلتكم العطره
لكـم ودي

 

 

 

 

 

 

 

 

توقيع : بنت الروقه

اهْرَبّ مَنْ الّذَكرَىٰ وَاعَوّد إلَيهآ ......................كَلّ الّدرَوْبّ لْذّكرايآتَكّ تّؤدْيٰ آخَافّ لاَفّقَدْهَآ وآخآفّ آنْتَهِيهَآ ..................آعَيِشّ وَالّذكْرىٰ صرَآع وتَحّديٰ

[حمد السبيعي]

منتي بـ هيّـنه

اعجبتني فكرتس واسمحي لي اساعدتس وابين نقاط الضعف والقوة فيها

في عفيف احــب شخصٍ تـــلّ قلبي وألتوى به
وقفن ســــود الحضوض العوج دونه واطردنه

الشطر الثاني فيه كسر ,, ويمكن مب من حقى اعدّل البيت لكن لان الفكرة والمطلع اعجبوني وابيتس تكملينها اسمحي لي اعدل البيت في نفس المعنى
" في عفيف احب شخصن تل قلبي والتوى به ,, والحظوظ العوج وقفـن دون حبّه واطردنّـه "



كيف أبا اسلا والسهر هو سم حالي والدواء به
بــس اسامــر طيفه أللي ليــــا وصل كني بجنه

روعه البيت لكن في كسر في " ليا " ,, خليها " بس اسامر طيفه اللي ( لا ) وصل كني بجنه "


ومن عذلني ما استمع له في الكلام وفي جوابه
ما درى إن الليل هـــو طـــب الجروح المستكنه

بيت ما يطلع الا من شاعر واهنّيج عليه يا بنت الروقه ,,,

انتي شاعره موهوبه وانا ما اجامل ,, ولي طلب عندتس ,, كملي القصيده وصدقيني بتبدعين فيها

[بنت الروقه]

حمد السبيعي

صح بدنك
ومشكور على التعديل
شرفني مرورك العطر

[الهــــــــوى]

رائعه يابنت الروقه بانتظار المزيد من ابداعك


تحيآآآآتي وتقديري.

[غراااام نجد]

صح لساااانك ياالغاليه ابدعتي ..

وانشالله من هالابداااع وزوووود ....

لك ودي ..

[waleed]

مُبدعه يابنت رووق ،،
لاهنتِ وصح لسآنك مدد بلا عدد
ملاحظة اخوي رائد كفّـت ووفـّت ،،
تحيّتي لك

[شآسع المري]

بنت روقه صح الله اللسانك وعسى الله يقويك


وكفو ووفو الاخوان والجزاله حاظره والتعثر هي بداية كل شاعر بديع

[الع ـابــر]

ومن عذلني ما استمع له في الكلام وفي جوابه
ما درى إن الليل هـــو طـــب الجروح المستكنه


مستكنه


الله الله


بيت اقل ما يُقال عنه رآئع .. ابيات قليله و لاكن مميزه و تنبي بِ بزوغ نجمه في سماء الإبدآع شعرياً.

لآ يوجد إلا الملاحظه التي ذكر رائد عساه سالم ولآكن لا تحجب الجماليه .. لكي تتلاشي مثل هذا الكسر البسيط .. قومي بِ تلحين الأبيات ع لحن واحد لكي يبين مكمن الخلل إن وجد .



خالص التحى ـآيآ

[بنت الروقه]

الف شكرٍ لكم ولطيب مروركم..
اسعدتني اطلالتكم العذبة..
امنياتي لكم بسعادةٍ لاتنتهي
احترامـــــــــي

[فهد الهباش]

خطيرة يابنت
بصراحة رووووعة
(ما درى إن الليل هـــو طـــب الجروح المستكنه)
شطر عن الف بيت خصوصا للي بيقرلاء البيت الثاني ثم هذا الشطر
كيفية الربط رائعة بينها .....
همسة.....
(المشاركة الجاية ما نبي ثلاثة ابيات)
نبي قصيدة كاملة .....
ولو ان هذي الثلاثة ابيات عن مية قصيدة....
مو مجاملة والله.....
لكن انتي احساسك غير............

بالنسبة للملاحضات
ما فيه شيء يستحق الملاحضة والابيات موزونة تماما ....
اعتقد كلمة ( ليا) غلط املائي عدليه بس ( لا)
والا الابيات تماما موزونة
بالنسبة لفي اتقد تكتب كذا بس النطق مثل ما قال رايد وانتي اكيد نطقتيها كذا .....
لا يوجد كسور في الابيات ابدا
تحياتي من جد مبدعة