بعد جور الضيقه

[شامان المري]

بسم الله الرحمن الرحيم
السلام عليكم ورحمة الله وبركاته

شحالكم اعضاء منتدانا الغالي
والسموحه ع الانقطاعه لضروف خارجه عن السيطره
حبيت ارجع بعد هالغيبه بابيات ارجو ان تنال على حسن رضاكم




يقول:




بعد جور الضيقه وطول العنا==استمع للي بقوله لاحكيت

فالضلام امشي على ضو السنا===واتخطا لين اوصل مابغيت

الحزن لو داخل عيوني بنا===اصبر وفي وسط صدري ماكنيت

اتحمل مثل سيسان البنا===بس مايمنع سؤالي لو شكيت

يالغلا سبة غيابك قل لنا===قل لنا واشرح غيابك لو بديت

غيبتك ياصاحبي سوة بنا===مثل ماسوا العراقي فالكويت

مستعين بحكمة معمر هنا===فالمكان الصح بالحكمه رميت

صرت ادور لك ولاشفت الهنا===بكل دار وكل زنقا وكل بيت

ياصحيبي من غيابك اننا===مايجينا نوم وافزع لاغفيت

بس لو تسمع كلامي لك فانا===ودي استفسر ويالغالي ياليت

تختصر في اجابتك لجل العنا===مايخالط وقتك الى من حكيت

ياصحيبي في حياتك من انا===طالبك جاوب علي ولابكيت

 

 

 

 

 

 

 

 

توقيع : شامان المري

[rplayer]http://youtu.be/5kwHAJOCP-w[/rplayer]

[مبارك الشمري]

طالبك جاوب علي ولا بكيت

ياسلام عليك صحيح من طول الغيبات جاب الغنايم ابيات لهااا نكهه

صح السانك وانتظر جديدك يالغلاا

تحياي وشكري لك يا يا شامان

[شامان المري]

مرحبا بك اخوي مبارك تراحيب المطر
وصح الله بدنك
وطلتك يالغالي لها نكهه ولها طعم ثاني
ولاهنت يالغالي ع المرور السريع

[ناصر الشريف]

الاخ شامان المري

صح لسانك حتى ترضى شاعر وله بصمته الخاصه

تقبل تحياتي وخالص تقديري

[موسى ابومشهور]

شامان انت شاعر الروعه والابداع والمعاني الساميه في هذع الابيات وبعد طول غياب تقبل مروري

[شامان المري]

ناصر صح الله بدنك
الابداع استخلصته منك طال عمرك
ولاهنت فديت خشمك

[شامان المري]

ابو مشهور
مرحبا بك تراحيب الموزن
الابداع عندك والتميز عندك
وانت شاعر الابداع والتميز
ولاهنت لبى روحك ع المرور

[أمير الشريف]

ارحب بعد الانقطاع .. حياك ربي ومابطى بالسيل الا كبره
.. صح لسانك ياشامان .. قصيده جزله من شاعر جزل ..

[شامان المري]

مرحبا بك يا الامير
وصح الله بدنك
وتسلم لي ع المرور يالغالي

[نويـــــر]

وعليك السلام ورحمة الله وبركاته

غيبتك ياصاحبي سوة بنا===مثل ماسوا العراقي فالكويت

مستعين بحكمة معمر هنا===فالمكان الصح بالحكمه رميت


صح لسآنك أخي شآمان .. نص جميل ..

تحيتي لك