بعد جور الضيقه
 

بسم الله الرحمن الرحيم
السلام عليكم ورحمة الله وبركاته

شحالكم اعضاء منتدانا الغالي
والسموحه ع الانقطاعه لضروف خارجه عن السيطره
حبيت ارجع بعد هالغيبه بابيات ارجو ان تنال على حسن رضاكم




يقول:




بعد جور الضيقه وطول العنا==استمع للي بقوله لاحكيت

فالضلام امشي على ضو السنا===واتخطا لين اوصل مابغيت

الحزن لو داخل عيوني بنا===اصبر وفي وسط صدري ماكنيت

اتحمل مثل سيسان البنا===بس مايمنع سؤالي لو شكيت

يالغلا سبة غيابك قل لنا===قل لنا واشرح غيابك لو بديت

غيبتك ياصاحبي سوة بنا===مثل ماسوا العراقي فالكويت

مستعين بحكمة معمر هنا===فالمكان الصح بالحكمه رميت

صرت ادور لك ولاشفت الهنا===بكل دار وكل زنقا وكل بيت

ياصحيبي من غيابك اننا===مايجينا نوم وافزع لاغفيت

بس لو تسمع كلامي لك فانا===ودي استفسر ويالغالي ياليت

تختصر في اجابتك لجل العنا===مايخالط وقتك الى من حكيت

ياصحيبي في حياتك من انا===طالبك جاوب علي ولابكيت

رد: بعد جور الضيقه
 

طالبك جاوب علي ولا بكيت

ياسلام عليك صحيح من طول الغيبات جاب الغنايم ابيات لهااا نكهه

صح السانك وانتظر جديدك يالغلاا

تحياي وشكري لك يا يا شامان

رد: بعد جور الضيقه
 

مرحبا بك اخوي مبارك تراحيب المطر
وصح الله بدنك
وطلتك يالغالي لها نكهه ولها طعم ثاني
ولاهنت يالغالي ع المرور السريع

رد: بعد جور الضيقه
 

الاخ شامان المري

صح لسانك حتى ترضى شاعر وله بصمته الخاصه

تقبل تحياتي وخالص تقديري

رد: بعد جور الضيقه
 

شامان انت شاعر الروعه والابداع والمعاني الساميه في هذع الابيات وبعد طول غياب تقبل مروري

رد: بعد جور الضيقه
 

ناصر صح الله بدنك
الابداع استخلصته منك طال عمرك
ولاهنت فديت خشمك

رد: بعد جور الضيقه
 

ابو مشهور
مرحبا بك تراحيب الموزن
الابداع عندك والتميز عندك
وانت شاعر الابداع والتميز
ولاهنت لبى روحك ع المرور

رد: بعد جور الضيقه
 

ارحب بعد الانقطاع .. حياك ربي ومابطى بالسيل الا كبره
.. صح لسانك ياشامان .. قصيده جزله من شاعر جزل ..

رد: بعد جور الضيقه
 

مرحبا بك يا الامير
وصح الله بدنك
وتسلم لي ع المرور يالغالي

رد: بعد جور الضيقه
 

وعليك السلام ورحمة الله وبركاته

غيبتك ياصاحبي سوة بنا===مثل ماسوا العراقي فالكويت

مستعين بحكمة معمر هنا===فالمكان الصح بالحكمه رميت


صح لسآنك أخي شآمان .. نص جميل ..

تحيتي لك