الضروف القآسيه

[ظافر العرجاني]

السلام عليكم ورحمة الله وبركاتة

اول شي اعذروني على الانقطآع
صادف شهر عبادة وانشغلنا وعسى الله مايشغلنا الا بطاعته

ثاني شي
احزني غيبة اخونا سعيد القحطاني
ولكن نتمنى رجعته اليوم قبل بكره

ثالث شي هاذي ابيات ارسلتها لواحد من الربع
كآن عنده منآسبه ولاقدرت احضر فأرسلت عليه هالابيات

[poem=font="simplified arabic,5,darkblue,bold,normal" bkcolor="white" bkimage="" border="double,5,darkblue" type=1 line=0 align=center use=ex num="0,black""] سلام يامنصور والعلم ناصيك=يامحزمي وقت القسا ياعويني
حال القدر بيني وبينك وانا اخيك=والوقت ذا طبعه يزين ويشيني
العذر قدمته ولا فيه تشكيك=ولاهمني باللي جرا قبل حيني
عقلي براسي لو تزيد الشرابيك=وان ماخلصت مافرقتنا السنيني
اشفق على شوفك وذكرك وطاريك=ويرتاح بالي يوم اشوفك تجيني
ولمن ذكرت اللي حصل يا محاكيك=يهل دمعي بين حين(ن) وحيني
لجلك ببيع الخلق يالقرم واشريك=ولجلك جميع القاسيات بـ تليني
لكن عسى ربي يوفقك واخيك=يوفقه ربي بعد ياعويني [/poem]

رد علي هو وقال

[poem=font="simplified arabic,5,darkblue,bold,normal" bkcolor="white" bkimage="" border="double,5,darkblue" type=1 line=0 align=center use=ex num="0,black""]

يامرحبا واهلين والله يحييك=في صدر واسع لك على كل حيني
وصلني المرسول والله يعافيك=ولافيه شكَه بين نفسك وبيني
عذرك سمين ولا على النفس تشكيك=وكل على ماقال عذره يبيني
مهما جرى ياخيك ماني مجافيك=يامحزمي وقت الزمان المشيني
لو تقصر الايدي ماتقصر اياديك=ويطرب لك المسحوب ولا الهجيني
كل القصيد يزين لاجبت طاريك=لانه من اسمك لازم انها تزيني
ولانك الامير وحشمة(ن) في معاليك=ومنصى الضعوف اليا غدا الوقت شيني
ان جيت وان ماجيت فـ الله يحييك=غلاك في صدري على كل حيني
[/poem]

 

 

 

 

 

 

 

 

---

التعديل الأخير تم بواسطة خالد العبيريد ; 09-04-2012 الساعة 05:39 AM

[فرح الشهري]

العذر قدمته ولا فيه تشكيك
ولاهمني باللي جرا قبل حيني

صح لسانكـ وصح لسان منصور روووووووووووعه الله يوفقكم يارب وصح لسانكـ واعتلى شانكـ وبيض الله وجهكـ ولاهنت اعتذار مميز بشعر راقي والله يرجع سعيد بالسلامه يعطيكـ العافيه يارب

[كان]

.

[عامر صالح ال شنيف]

يا هلا بظافر وصح الله السانك والساانك خويك
والله يرفع من مقدارك

[عبد العزيز الهزاع]

صح لسانك من القلب
ودمت

[كان]

كلمات في الافق صديقي ظافر .
كم انت شاعر جزل ورائع لابعد الحدود.
صح لسانك . كما يقولون ذات العقول التي .
تتقن الرد على المواضيع المميزة واصحاب التميز.
اعجابي بك ايه الشاعر الكبير الذي اعجبت بما قدم من شعر.

[ظافر العرجاني]

صح الله ابدانكم وبيض الله وجيهكم
على المرور اللي شرفني واسعدني


والله لايهينكم على كل حآل

[روابي]

ٍٍصح لسسانك ٍٍٍ

ٍٍتسسلم ٍٍٍ

[ظافر العرجاني]

روابي


صح بدنك ولاهنتي على المرور

[خالد العبيريد]

وعليكم السلام ورحمة الله وبركاته ,,

يامرحبا ومسهلا ياظافر حياك الله,,

ابد معذور عن الغياب والي تقدمه يشفع لك يالجزل,,

صح الله لساانك وصح الله لساان منصور ولاهنتم شعراء جزلين والله لايضرركم,,

كل تقديري وتحياتي لك وفي انتظار المزيد يالغالي .