شف ولد راشد

[راعي النقى]

الشعر لو ماتو اهله وانتهى ربعه
مايموت اللي مخلت بصمة ابياته

ولو يقولو كل واحد ينتخب سبعه
والرجا لا حد علينا يقصع اصواته

قلت بحر الشعر كله موجه ونبعه
داخلي وانا كذا متحكم بذاته

شاعر وعندي ثقه بابيات متبعه
تحفظ التاريخ وتخلد محطاته

لو يقال الذيب شلت حقه الضبعه
قلت صح وكل واحد له قناعاته

بعض خلق الله غثيث وفصله وقبعه
وبعض خلق الله خلوق وله طموحاته

والمصيبه فالجويع ان جرب الشبعه
ينتهك حق البشر لارضا ملذاته

والذي تعمى عيونه من طرف صبعه
ما يفرق بين صحوة جيل وسباته

شف ولد راشد محمد من قسى طبعه
من سجن دولة تميم يصدر اهاته

يا الله تفك اسره وتستر على ربعه
ربعه اللي خلته يلقى اهاناته