|
شف ولد راشد
الشعر لو ماتو اهله وانتهى ربعه
مايموت اللي مخلت بصمة ابياته ولو يقولو كل واحد ينتخب سبعه والرجا لا حد علينا يقصع اصواته قلت بحر الشعر كله موجه ونبعه داخلي وانا كذا متحكم بذاته شاعر وعندي ثقه بابيات متبعه تحفظ التاريخ وتخلد محطاته لو يقال الذيب شلت حقه الضبعه قلت صح وكل واحد له قناعاته بعض خلق الله غثيث وفصله وقبعه وبعض خلق الله خلوق وله طموحاته والمصيبه فالجويع ان جرب الشبعه ينتهك حق البشر لارضا ملذاته والذي تعمى عيونه من طرف صبعه ما يفرق بين صحوة جيل وسباته شف ولد راشد محمد من قسى طبعه من سجن دولة تميم يصدر اهاته يا الله تفك اسره وتستر على ربعه ربعه اللي خلته يلقى اهاناته |
رد: شف ولد راشد
الله يفك أسره وييطلعه بسلام,,
صح الله لسانك وصح كلك ولاهنت,, وأعتقد ربعه ماهم مخلينه لكن الوضع ماسمح,, تحياتي وتقديري لك. |
رد: شف ولد راشد
شاعر وعندي ثقه بابيات متبعه
......................................... تحفظ التاريخ وتخلد محطاته شاعر ومتمكن ياراعي النقى ماشاء الله صح لسانك على هالشامخه ودمت في تألق |
رد: شف ولد راشد
الله يفك أسره الذيب ,,
و صح لسانك اخوي |
رد: شف ولد راشد
الله يفك اسره ويجازيه خيراعلى صبره اللهم آمين يارب الشاعر راعي النقى صح لسانك ولا هنت على على هذه القصيدة الرائعة تحيتي وتقديري |
رد: شف ولد راشد
صح لسانك يامبدع والله يفك اسر الذيب محمد
|
| الساعة الآن 12:37 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
