موضوع صوتي حزن عبره نعمة من لله

موضوع صوتي حزن عبره نعمة من لله

السلام عليكم ورحمة الله وبركاته
أهدي اليكم هذه القصيده الصوتية المختارة والتي يمكن للبعض منكم أن قد سمعها ولكن كانت بمقطع بسيط
أما هنا فهي كاملة صوتية ومكتوبة
وهي تحكي قصة
هادي بن سعود بن كدمه آل الشريف الحبابي أخ الشاعر من الرضاعه مسجون في سجن ظهران الجنوب منذ
ما يقارب 16 سنة بقضية قتل اخيه أبن عمه/ هادي بن مهدي بن فرثان آل الشريف الحبابي
هناك مساعي مبذوله في قضيته عسى ان تتم على خير ،
والكلمات والصوت للشاعر ::سعيدالحازبي القحطاني

في سجن ظهران زرت اخوي ابن كدمه=وانـا وهـادي سعـود بحسبـة اخوانـي
جينـا زيـاره ومعنـا بالـرضـاع امــه=فـي قلبهـا شـوق مـدري هــم وحـزانـي
وساعة وقف قامت اتناديـه وتضمـه=من زود حب الضنا فـي قلبهـا الحانـي
ومـن زود شوقـه يـون وقــال يايـمـه=انـا عـلـى شوفـتـك بالحـيـل ولهـانـي
وقامت تنوح العجـوز وسلهمـت يمـه=ودموعـهـا كـنـهـا هـمــال ودانـــي
صاحت وناحت وزادت بالبكا همـه=ثـم قـال يـمـه كفـانـي هــم واحـزانـي
ثـم انكـسـر نـاضـره مــن هـمـه وغـمـه=بين الرجـاء ولأمـل واليـاس حيرانـي
ثم وقف رضا(ن)لها تواضـع وحشمـه=وقبل يديهـا ودمعـه فـوق الاوجانـي
ثـم التـفـت يمـهـا فــي خـاطـره كلـمـه=واقفا موادع وهـو مكسـور جنحانـي
ثــم كبـلـه حـارسـه بالقـيـد واختَـمـه=وامـه تنـادي بلهفـة شـوق واشجـانـي
ناحـت وونـت عليـه ونـادتـه بسـمـه=وقفا مـوادع وهـو راضـي وزعلانـي
وحملنـي امانـة(ن) تـبـرا بـهـا الـذمـه=قال انت ياخوي في ذمتك ورعانـي
ورحت اتفقـد عيالـه ثـم لقيـت امـه=والحـزن فـي صوتهـا المشحـوب ينبانـي
ثم صار لي موقف الا صارت مطمـه=مـن موقـف صـار واحزنـي وبكانـي
جونـي عيالـه وكـل(ن) مـن ملـى فمـه=يقـول بابـا سنـيـن طــوال ماجـانـي
وانا اشهد(ن) كـل حـي يحـن لـه دمـه=من بعد هذا حصل لـي موقـف ثانـي
جتنـي فـتـاة(ن) خطـاهـا تمـشـي بهـمـه=ثـم اعثـرت وانثنـت قـدام تنصـانـي
وعن راسها فرعـت ثـم طشـت اللثمـه=وتطـيـح وتـقـوم مضيـومـه وتنخـانـي
قلـت ابشـري والعسـر والله مـا همـه=الظاهـر ان القـدر للمـوت ودانــي
قالت ياعم اين ابوي اللي ولد عمـه=غرابـه ابـوي ابـن عمـه وهـو الجانـي
اشكي عليـك الزمـن ياعـم مـن ظلمـه=خالانـي اعـيـش فــي حـيـره وحرمـانـي
ياعـم تكـفـا تـلـف الشـمـل وتلـمـه=ابغـاك تفـزع وتنخـا قاصـي ودانــي
قلت الـردي جعلهـا تبكـي عليـه امـه=ونـتـي نخيـتـي وانــا بانـخـا كحيـلانـي
بانخـا ابـن فرثـان صقـر وكـره القـمـه=وانخـاه بسمـي وبـسـم شـيـوخ قحطـانـي
وادخل على ربنا اللي يكشف الغمه=وادخل على هادي ابن معيض لاهانـي
وانا دخيل الحضـن والبيـت والذمـه=وادخل على الحي واللي وسط الاكفاني
يامـارد(ن) للظوامـي صافـي(ن) جـمـه=واللي ورد له ما صـدر منـه ضميانـي
الحـكـم لله وحـكـمـك بـيــدك وسـمــه=لرضـاك مـا ننكـره لـو كـان ماكـانـي
والعاقـل اليـا بـلاه الله كـبـر حلـمـه=يـهـون الكـايـده يـاوجــه سنـحـانـي

الحكمه والحلم نعمة من الله سبحانه ياحظ من يحتظي بها

لكم سلامي ومحبتي

اخوكم : / شاسع المري { ماعاد يمديك }

المصدر: الملتقى الجماهيري للشاعر محمد بن فطيس المري

يآويل قلبي والله

تحزززن صدق

شآسع لله دركـ

لاهنتـ آخوي

دوم مبدع’ بطرجكــ

تحيآتي ’

يعطيك العافيه يا شاسع المري على نقل القصيده

قصيده عاطفيه واجتماعيه

الله يفرج على المكروب

قصيده رائعه بما تحمل به من مشاعر صادقه وجياشه

قد دمعت عيناي بقرائتها

فهي تحمل بين طياتها قصه

والاجمل انها واقعيه

والمر الذي فيها انها تحكي عن كربه

فهي فعلا صااادقه

وبنهايه المطاف

حكمه الحلم فقد صدقت هي نعمه

نسال الله ان يرزقها لنا

ويفرج كربه المكروب

الله يعافيك
أليمه وعسى الله يكون بعونهم

الله يعطيك العافيه
قصيده محزنه والله يعين
وتسسسلم اخوي شاسع

الله كريم وقآدر يفك أسره ويجمع شمل العايلة


لاهنت أخوي شاسع

تحيتي

الله يفرج عنه ويلم الشمل
لاهنت اخوي ع النقل
وبيض الله وجهك
ولك تقييمي++

الله يكتب اللي فيه خيـر ويرده لـ اهله


لاهنت يا ماعاد يمديك على الطرح الانساني

الله يرحمنا ويااكم ويفكر كل كرب اخوانا المسلمين

واسعدني تواجدكم المشرف

يالبيييه ياطااري العرررب ياقحطااااني


من جد

تبكي القصيده

يعطيك العااافيه

لاهنت ع النقل الرااائع