كوميدي _ يآ شينها لا صرت دايخ .. وسهران !! تجمعت عليك .. عشـرين غاره

[مشاري القحطاني]

كوميدي _ تقريري _ قلم _ مشاري
هذه الابيات تقريريه ، لم أهتم بالجزاله او السبك
وانما تقريرية مجرد قافيه ووزن ومعنى لا أكثر..
طرحتها كتغيير ، وأحترت هل أطرحها في قسم الشعر
أم هناك مكان آخر يهتم بها .
أحببت أن أوضح قبل طرحها فقط ، أحتراما لمقام الشعراء وذوّاق الشعر الجميل.


يآ شينها لا صرت دايخ وسهران
تجمعت عليك .. عشـرين غاره

الأوله مهــموم بإزعــاج جيران
كلن يــقـول اليوم ..صوبه زياره

والثانيه فالحب طايـش وولهــان
عاشق من الخفرات بنت الحضاره

بنت الثرى ما هي من بيت فقران
اليا بغت حاجة .. تجي بالإشــاره

والثالثه في شقة الموت طفران
مع شلتن ما همها الا الدشاره

حداك وقتك في طرفهم بلا أمان
لو كنت راع المعرفة والنعـارة

والرابعة من جور الأيام شفقان
الدين هد الحيل واهتك سـتاره

والخامسه فكرت والفكر حيران
تبغى النجاح وما تحب الخساره

قالو ترى علمن جنيته خبر كان
من شاف تقريرك يبين انكساره

فرّحت عدوانك وزعّلت صدقان
وش ذي الدراسه يا حفيد النماره

خذيتها زعلان وامسيـت زعلان
تضحك على نفسك .. وتغتم تاره

والسادسه عاداك من كان طربان
في شوفتك لا جيت يعطي البشاره

والسابعه ضيعت حلمن من ازمان
حلم النجاح ومنصبك في التجاره

والثامنه والتاسعة كلها احزان
بانت شماتة صاحبك .. واندثاره

والعاشره ممسي من الهم مرضان
فيك الصداع .. ومهلكتك الحراره

هذي عشر ومقابل العشر نيشان
ضرب صميم الجوف وانهك جداره

العشر في شان وهو وحده بشان
حسبتها عشرين .. حزن ومراره

جاك العزا في صامل الجد ذيبان
يمنى الرفيق ومسنده بانهياره

دقوا عليك وقالو فلان يا فلان
الحق عزاه اليوم بين قراره

ضاقت عليك وقمت تنعى وتشتان
وأشعلت من نار الخفوق الزقاره

آمنت باللي كاتبـه رب الأكــوان
وعصبت راسك واتجهت لدياره

تبغى ثرا راع الوفا طير حيران
زرته وقــبّلـته .. وبــاقي غباره

بيدك وتدعي وانتي موقن بالايمان
لو قلبك من النار بان .. انصهاره

هذي سوايا الحزن وامسيت سهران
تمسي على ناره وتــصـبح .. بـناره

أخوكم : مشاري القحطاني

 

 

 

 

 

 

 

 

توقيع : مشاري القحطاني

يا ظآلمين المحبة ، ما ترحمون الشقي ! يا ظآلمين المحبة ، ما ترحمون الشقي ! يا ظآلمين المحبة ، ما ترحمون الشقي !

[فزاع المرشدي]

ياسلامي عليك ياولد قحطان

ابدعت ابدعت الله لايضرك

ومن تجمع عليه ذالعشره وينه ووين السعاده ههه

الله يعين وأنا اخوووووك

[فاقده ابوها]

صححححح الساااااااااانك

[مشاري القحطاني]

اقتباس المشاركة الأصلية كتبت بواسطة فاقده ابوها صححححح الساااااااااانك

صح بدنك ورحم الله والدك

[خالد العبيريد]

هذي سوايا الحزن وامسيت سهران
تمسي على ناره وتــصـبح .. بـناره


الله الله عليك يامشاري ختامها مسك ,,


الشاعر العذب مشاري القحطاني ياهلا ومرحبا حياك الله ,,

صح الله لساانك وصح قلبك وكلك ولاهنت على هذى المعزوفه الجزله يالجزل وبيض الله وجهك ,,

قصيده لها بصمه فريده تحياتي وكل تقديري لك .

[فرح الشهري]

هذي سوايا الحزن وامسيت سهران
تمسي على ناره وتــصـبح .. بـناره

صح لسانكـ واعتلى شانكـ وبيض الله وجهكـ رووووووعه قسم الله يوفقكـ يارب تسلم ومشكور على الابيات الرائعه ولاهنت

[مشاري القحطاني]

فزّاع تسلم يا برنس ، مرور أسعدني!

[عامر صالح ال شنيف]

يا هلا يا مشااري وصح السانك

[محمد بداي]

صح لسانك مبدع يا مشاااااااري


وتسلم ولا هنت

[روعة الاحساس]

صح السانك يالقحطاني مبدع
لك ودي وتقديري ++++++تقييم