الملتقى الجماهيري للشاعر محمد بن فطيس المري - كوميدي _ يآ شينها لا صرت دايخ .. وسهران !! تجمعت عليك .. عشـرين غاره

- الشعر و الشعراء (http://www.m-f6es.com/vb/forumdisplay.php?f=15)

كوميدي _ يآ شينها لا صرت دايخ .. وسهران !! تجمعت عليك .. عشـرين غاره

كوميدي _ تقريري _ قلم _ مشاري
هذه الابيات تقريريه ، لم أهتم بالجزاله او السبك
وانما تقريرية مجرد قافيه ووزن ومعنى لا أكثر..
طرحتها كتغيير ، وأحترت هل أطرحها في قسم الشعر
أم هناك مكان آخر يهتم بها .
أحببت أن أوضح قبل طرحها فقط ، أحتراما لمقام الشعراء وذوّاق الشعر الجميل.

يآ شينها لا صرت دايخ وسهران
تجمعت عليك .. عشـرين غاره

الأوله مهــموم بإزعــاج جيران
كلن يــقـول اليوم ..صوبه زياره

والثانيه فالحب طايـش وولهــان
عاشق من الخفرات بنت الحضاره

بنت الثرى ما هي من بيت فقران
اليا بغت حاجة .. تجي بالإشــاره

والثالثه في شقة الموت طفران
مع شلتن ما همها الا الدشاره

حداك وقتك في طرفهم بلا أمان
لو كنت راع المعرفة والنعـارة

والرابعة من جور الأيام شفقان
الدين هد الحيل واهتك سـتاره

والخامسه فكرت والفكر حيران
تبغى النجاح وما تحب الخساره

قالو ترى علمن جنيته خبر كان
من شاف تقريرك يبين انكساره

فرّحت عدوانك وزعّلت صدقان
وش ذي الدراسه يا حفيد النماره

خذيتها زعلان وامسيـت زعلان
تضحك على نفسك .. وتغتم تاره

والسادسه عاداك من كان طربان
في شوفتك لا جيت يعطي البشاره

والسابعه ضيعت حلمن من ازمان
حلم النجاح ومنصبك في التجاره

والثامنه والتاسعة كلها احزان
بانت شماتة صاحبك .. واندثاره

والعاشره ممسي من الهم مرضان
فيك الصداع .. ومهلكتك الحراره

هذي عشر ومقابل العشر نيشان
ضرب صميم الجوف وانهك جداره

العشر في شان وهو وحده بشان
حسبتها عشرين .. حزن ومراره

جاك العزا في صامل الجد ذيبان
يمنى الرفيق ومسنده بانهياره

دقوا عليك وقالو فلان يا فلان
الحق عزاه اليوم بين قراره

ضاقت عليك وقمت تنعى وتشتان
وأشعلت من نار الخفوق الزقاره

آمنت باللي كاتبـه رب الأكــوان
وعصبت راسك واتجهت لدياره

تبغى ثرا راع الوفا طير حيران
زرته وقــبّلـته .. وبــاقي غباره

بيدك وتدعي وانتي موقن بالايمان
لو قلبك من النار بان .. انصهاره

هذي سوايا الحزن وامسيت سهران
تمسي على ناره وتــصـبح .. بـناره

أخوكم : مشاري القحطاني