انت نبراس المذله

[ناصر بن حسين]

كل شاعر له يمينه وله فن يساق
والذي مني باسوق القوافي للبقوم

لابة للمجد فيها معى العز اتفاق
تروي الرمح المسنن ولا تخشى الخصوم

بس سالم يا جماعه عن العليا معاق
طبعه الخاسي يبرهن عناه بكل يوم

لا سفهته قال قرب علي شد الوثاق
وان لفيته فوق متنه طرحت اله الوسوم

ما مثل ناصر يهدد من عيال الحداق
طرش بحر ما على هرجته صوبي لزوم

هو لزيزه في هل العز كنه غاق غاق
صوت غربان على الروث فالصحرا تحوم

ذي مداخيل القصيده وهذا الانشقاق
كيف تكوين النعامه من سباع قروم

الحرار الشقر تطلع وتتعدا النطاق
والحمير الشهب تنهق تحت ظل الرجوم


جاك سمك من يميني معى الكاس الدهاق
والردا ما مثل شخصك عن الفسله يصوم

هامتي ترقى بنفسي على السبع الطباق
والمناكب في سماها تداحنها النجوم

كل رميه في جنابي ترا محض اختلاق
وان كويت الراس كبدك من الكيه تزوم

انت نبراس المذله ونبراس النفاق
يوم رمز العز فيني وله بسمي ختوم

 

 

 

 

 

 

 

 

[أمير الشريف]

من ذا اللي حده زمانه وقام يناشبك .. لا والله اللي عظم الله اجره ..
قصيده عنيفه .. صح الله لسانك يابو حسين .. دائما مبدع

[ناصر بن حسين]

امير صح بدنك
ولا هنت على المرور الجميل
خلنا نشوف تنديده بيجي بنتيجه تقبل تحياتي

[قايدة الريم]

_

هامتي ترقى بنفسي على السبع الطباق
والمناكب في سماها تداحنها النجوم
كل رميه في جنابي ترا محض اختلاق
وان كويت الراس كبدك من الكيه تزوم

كفو وصح لسآنك يَ ابوحسين
مَ شاء الله عليك , مُبدع والله
والقصيده قويه وقويه جدآ ,

[ناصر بن حسين]

اقتباس المشاركة الأصلية كتبت بواسطة قايدة الريم _ هامتي ترقى بنفسي على السبع الطباق والمناكب في سماها تداحنها النجوم كل رميه في جنابي ترا محض اختلاق وان كويت الراس كبدك من الكيه تزوم كفو وصح لسآنك يَ ابوحسين مَ شاء الله عليك , مُبدع والله والقصيده قويه وقويه جدآ ,

قايدة الريم تسلمين اول شي على الاقباس

وكفوش الطيب وصح بدنش ويعطيش العافيه على كل حرف هنا

تقبلي تحياتي وخالص تقديري

[سلطان البقمي]

صح لسانك .. وصراحه سالم وضعه مريب وعجيب. وانا متاكد . ان اسم البقوم . متخذه

لغرض في نفسه.وحتفظ فيه. وهو ليس بقمي ابداً..

ومدري وش سالفته. معك!!




عموماً. خاطب الناس بقدر اعقولها..

[ناصر بن حسين]

اقتباس المشاركة الأصلية كتبت بواسطة سلطان البقمي صح لسانك .. وصراحه سالم وضعه مريب وعجيب. وانا متاكد . ان اسم البقوم . متخذه لغرض في نفسه.وحتفظ فيه. وهو ليس بقمي ابداً.. ومدري وش سالفته. معك!! عموماً. خاطب الناس بقدر اعقولها..

سلطان صح بدنك وانتو يالبقوم رجال كفو ولذلك شككت في وضع سالم هذا

وحركاته الصبيانيه
وكنت متاكد وواثق تمام الثقه انه ليس من البقوم

والسالفه لا تبي تعرفها رح على اسمي ودس عليه وشف ويش هو
كاتب لي ولذالك خاطبته على قد عقله تحياتي وخالص تقديري

[محمد الشريف]

صح لسانك يبو حسين وربي صاب الي يحارشك ولا يحاول ينرفزك راحت ايامه شعر ههههههه لاهنت يبو حسين وشد واشتد

[ناصر بن حسين]

اقتباس المشاركة الأصلية كتبت بواسطة محمد الشريف صح لسانك يبو حسين وربي صاب الي يحارشك ولا يحاول ينرفزك راحت ايامه شعر ههههههه لاهنت يبو حسين وشد واشتد

محمد بن علي الشريف صح بدنك والله يعينه على الطلوع

ولا تهون يا ذيب ولا معي فيك شك

بس مكفي يا شنب تحياتي وخالص تقديري

[بدر الشدادي]

ناصر صح السانك شاعر جزل ومتميز
تحيتي لك