|
انت نبراس المذله
كل شاعر له يمينه وله فن يساق
والذي مني باسوق القوافي للبقوم لابة للمجد فيها معى العز اتفاق تروي الرمح المسنن ولا تخشى الخصوم بس سالم يا جماعه عن العليا معاق طبعه الخاسي يبرهن عناه بكل يوم لا سفهته قال قرب علي شد الوثاق وان لفيته فوق متنه طرحت اله الوسوم ما مثل ناصر يهدد من عيال الحداق طرش بحر ما على هرجته صوبي لزوم هو لزيزه في هل العز كنه غاق غاق صوت غربان على الروث فالصحرا تحوم ذي مداخيل القصيده وهذا الانشقاق كيف تكوين النعامه من سباع قروم الحرار الشقر تطلع وتتعدا النطاق والحمير الشهب تنهق تحت ظل الرجوم جاك سمك من يميني معى الكاس الدهاق والردا ما مثل شخصك عن الفسله يصوم هامتي ترقى بنفسي على السبع الطباق والمناكب في سماها تداحنها النجوم كل رميه في جنابي ترا محض اختلاق وان كويت الراس كبدك من الكيه تزوم انت نبراس المذله ونبراس النفاق يوم رمز العز فيني وله بسمي ختوم |
رد: انت نبراس المذله
من ذا اللي حده زمانه وقام يناشبك .. لا والله اللي عظم الله اجره ..
قصيده عنيفه .. صح الله لسانك يابو حسين .. دائما مبدع |
رد: انت نبراس المذله
امير صح بدنك
ولا هنت على المرور الجميل خلنا نشوف تنديده بيجي بنتيجه تقبل تحياتي |
رد: انت نبراس المذله
_ هامتي ترقى بنفسي على السبع الطباق والمناكب في سماها تداحنها النجوم كل رميه في جنابي ترا محض اختلاق وان كويت الراس كبدك من الكيه تزوم كفو وصح لسآنك يَ ابوحسين مَ شاء الله عليك , مُبدع والله والقصيده قويه وقويه جدآ , [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] |
رد: انت نبراس المذله
صح لسانك .. وصراحه سالم وضعه مريب وعجيب. وانا متاكد . ان اسم البقوم . متخذه
لغرض في نفسه.وحتفظ فيه. وهو ليس بقمي ابداً.. ومدري وش سالفته. معك!! عموماً. خاطب الناس بقدر اعقولها.. |
رد: انت نبراس المذله
صح لسانك يبو حسين وربي صاب الي يحارشك ولا يحاول ينرفزك راحت ايامه شعر ههههههه لاهنت يبو حسين وشد واشتد
|
رد: انت نبراس المذله
ناصر صح السانك شاعر جزل ومتميز
تحيتي لك |
رد: انت نبراس المذله
عوذا من شرك ههههههههههههه
مو بخير اللي يطيح بين يديك رائعه أخي الكريم بس لو سامحته لوجه الله المسامح كريم والإبداع ليس غريب عليك فأنت أهلا له تقبل تحيتي وتقديري |
رد: انت نبراس المذله
اقتباس:
وكفوش الطيب وصح بدنش ويعطيش العافيه على كل حرف هنا تقبلي تحياتي وخالص تقديري |
رد: انت نبراس المذله
اقتباس:
وحركاته الصبيانيه وكنت متاكد وواثق تمام الثقه انه ليس من البقوم والسالفه لا تبي تعرفها رح على اسمي ودس عليه وشف ويش هو كاتب لي ولذالك خاطبته على قد عقله تحياتي وخالص تقديري |
| الساعة الآن 10:14 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
