يا صاحبي وان كان تنشد عن الحال = حالي بخير وحالتي مستبده

[ترانيم المطر]

شعراء يقولون ما لا يفعلون مجرد خيال شاعره
يتيمه أبت إلا أن تكتمل

[poem=font="simplified arabic,6,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا صاحبي وإن كان تنشد عن الحال = أنا بخير وحالتي مستبده
ما أطرد ورى مقفي على كل الاحوال = ومن لا يحسب لجيتي ما نعده
أذكر صديقي بالشدايد ولا زال = أضيع أنا ما بين جزره ومده
هلاّ به الخاطر ورحب له البال = وترحيبتي في شوفته ما تسده
وإن كانه ابطى والنوى بيننا حال = ما اجفاه كود الراس يجفا المخده
يالليل فيك من الشقا هم رحال = يا ما سرح فكري ورفرف بجده
لكننا نقوى على حمل الاثقال = ولو قلت هاتي ود ما به موده
مودتي راحت قبل شهر شوال = واقفت وراها واستباحت لخده
صالت وجالت مكتنفها اشهب اللال = واضحت سوات اللي سلب منه حده
شهرين كانت بس مضرب للامثال = حبن يجي ويروح لا رحم جده
ياطير رفرف فوقهم شوف الاحوال = وطمن قلوبن تصتفق بالموده
ويا طير من شهرين ذكراه بالبال = لا ناسيه ذكره ولا اني مصده
رمشي يرف وبشر الرمش مختال = وانا على تبشيرته مستعده
لكن قلبي ما يورّد اليا مال = لا من لويت القلب صعبن مرده
بس الحقيقه بالخفا شئ يجتال = يقطعك يا حبن عجزنا نهده
ان قلت ناسيته يجي الف خيال = ويفتحون اقفال قلبن مصده
وانا وقلبي لا قرينا للانفال = نصد غصب وقوتي مستمده
من رب عالم في خفانا وبالحال = والوضع زين وحالتي مستبده
ترانيم المطر =
[/poem]

 

 

 

 

 

 

 

 

توقيع : ترانيم المطر

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[خالد العبيريد]

هلا هلا شاعرتنا الغاليه تراانيم المطر حياك الله ,,

بس الحقيقه بالخفـا شـئ يجتـال=يقطعك يـا حبـن عجزنـا نهـده

بيت اكثر من اربع دقايق والله يعلم اني افكر فيه كيف ركبتي هذى البيت اتمنى من الشعراء ان يفكرو فيه تمام التفكير بيت مذهل ابتكار فرررررررريد جمع الحقيقه والموده بضعف الحال ماشاء الله تبارك الله عليك ترانيم ,,

صح الله لساانك وصح الله قلبك وكلك ولاهنتي على هذى المعزووفه المميزه الله يستر عليك قسسم بالله قصيده كافيه وافيه والله يشهد ,,

كل شكري وتقديري ووافر احتراامي لك وخالص تحيااتي وفي انتظار المزيد .

[فهد الهباش]

ورب البيت يا بنت الناس
انك مذهله!!

عجزت احصل وصف لهذه القصيدة ، تدخل القلب من اول قرآئه ...
اللي يستاهل المدح ، عز الله ان الواحد يعجز يقول اللي في قلبه له ،
وقصيدك يستاهل وزود ...

اخوي خالد يقول وقفة للشعراء عند بيت:

بس الحقيقه بالخفـا شـئ يجتـال=يقطعك يـا حبـن عجزنـا نهـده

وعز الله مالومه ، اذهلني هذا البيت ، تركيبته عجيبه ، وفكر شاعرته خطير ...
عز الله انك تقدحينها من راااس صافي،،

[ترانيم المطر]

شاعرنا العذب خالد العبيريد
صح كلك وصح تواجدك وإحساسك المميز
الحمد لله إنني قدمت ما يروق لذائقة شعراء بقامتك الشعريه
وهذا شرف لي طال عمرك
أشكر ما تكرمت به علي من جميل المرورك
تقبل من التحيه أغلاها ودمت بود
ترانيم المطر

[محمد الختلان]

ترآنيم آلشعر
صح لسآنكـ
لآ غريب آلابدآع يستمر
تقبلي مروري آلمتوضع

[ترانيم المطر]

اقتباس:
المشاركة الأصلية كتبت بواسطة محمد الختلان [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
ترآنيم آلشعر
صح لسآنكـ
لآ غريب آلابدآع يستمر
تقبلي مروري آلمتوضع

شاعرنا المميز محمد الخثلان
صح كلك يابعدي ولاااااااااا هنت
الإبداع هو تواجدك العذب سيدي
مرورك أسعدني وأنار المتواضعه
تحياتي وتقديري
ترانيم

[سحابة الطائف]

ترانيم المطر قصيده رائعه وتواجد أرووووع
ترابط في الابيات وجمال في المعاني
وعناد واضح بين الشاعرة ونفسها
شكرا ترانيييييييييييييييييم راقت لي جميع الابيات

[ترانيم المطر]

اقتباس:
المشاركة الأصلية كتبت بواسطة سحابة الطائف [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
ترانيم المطر قصيده رائعه وتواجد أرووووع
ترابط في الابيات وجمال في المعاني
وعناد واضح بين الشاعرة ونفسها
شكرا ترانيييييييييييييييييم راقت لي جميع الابيات

هلاااااااا وغلااااااا بسحابة الطائف
الروعه تكمن بتواجدك يا عسسسسسسل
لقد أسعدني مرورك العذب الذي أنا المتواضعه
تقبلي تحيتي وتقديري
ترانيم

[عبدالله السناني]

صح لسانك

[ترانيم المطر]

اقتباس:
المشاركة الأصلية كتبت بواسطة عبدالله السناني [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
صح لسانك

شاعر التميز عبدالله السناني
صح كلك ولا عدمنا مرورك الراقي
تحيااتي