شعراء يقولون ما لا يفعلون مجرد خيال شاعره
يتيمه أبت إلا أن تكتمل

يا صاحبي وإن كان تنشد عن الحال = أنا بخير وحالتي مستبده
ما أطرد ورى مقفي على كل الاحوال = ومن لا يحسب لجيتي ما نعده
أذكر صديقي بالشدايد ولا زال = أضيع أنا ما بين جزره ومده
هلاّ به الخاطر ورحب له البال = وترحيبتي في شوفته ما تسده
وإن كانه ابطى والنوى بيننا حال = ما اجفاه كود الراس يجفا المخده
يالليل فيك من الشقا هم رحال = يا ما سرح فكري ورفرف بجده
لكننا نقوى على حمل الاثقال = ولو قلت هاتي ود ما به موده
مودتي راحت قبل شهر شوال = واقفت وراها واستباحت لخده
صالت وجالت مكتنفها اشهب اللال = واضحت سوات اللي سلب منه حده
شهرين كانت بس مضرب للامثال = حبن يجي ويروح لا رحم جده
ياطير رفرف فوقهم شوف الاحوال = وطمن قلوبن تصتفق بالموده
ويا طير من شهرين ذكراه بالبال = لا ناسيه ذكره ولا اني مصده
رمشي يرف وبشر الرمش مختال = وانا على تبشيرته مستعده
لكن قلبي ما يورّد اليا مال = لا من لويت القلب صعبن مرده
بس الحقيقه بالخفا شئ يجتال = يقطعك يا حبن عجزنا نهده
ان قلت ناسيته يجي الف خيال = ويفتحون اقفال قلبن مصده
وانا وقلبي لا قرينا للانفال = نصد غصب وقوتي مستمده
من رب عالم في خفانا وبالحال = والوضع زين وحالتي مستبده
ترانيم المطر =

شاعرنا العذب خالد العبيريد
صح كلك وصح تواجدك وإحساسك المميز
الحمد لله إنني قدمت ما يروق لذائقة شعراء بقامتك الشعريه
وهذا شرف لي طال عمرك
أشكر ما تكرمت به علي من جميل المرورك
تقبل من التحيه أغلاها ودمت بود
ترانيم المطر

بس الحقيقه بالخفـا شـئ يجتـال يقطعك يـا حبـن عجزنـا نهـده

تسلمـــين أخــ.ــتي ترانيم .ع ألـآبيــ.ــأ الرأقيـــه ...
ويع ــطيكـ. ألـ؛ــف ألـ؛ــف عـآفي ـــه ...
والله . لـا يحرمنــ.ـا جديدك,...
تقــ؛ـــبل زيارتي ,,,