شفتك بعد غيبه ..!!

شفتك بعد غيبه ..!!

~~~~||

شفتك بعد غيبه .. وحاولت احاكيك
مهوب من قلبي ولا من جراته !!
بغيت اقول / فلان وازريت احاكيك
وكني سمعت اسمي معا لالتفاته
فزيت من نومي وانا اقول لبيييك
وآثرك رويا .. في منامي وجاته
صفقت كف .. وقلت يا حلم يشوويك
جددت لي جرح ٍ هنى في مباته
يا اللي شريت البعد .. ما غاب طاريك
حتى لو ان البعد .. سواا سواته
مهوب محزني .. على حاجةٍ فيك
إلا إن قلبي شايف ٍ بك غناته !!
كن الطيوف تقول وشحال غاليك
وآقول راح .. وما بقى الا غلاته
لو ان ما جاني من الهم ياتيك
كان المصلي ما حفظ وش صلاته
مريت شارعكم .. وصادفني آخيك
واللي قطع كبدي .. حلاتك حلاته
بغيت الخبط من دعاياه ,, وادعيك
واسمك وقف بين اللسان ولهاته !!
وبغيت اجيب العيد وآقول : يرضيك
فاللي وصاتي له .. وضيّع وصاته
البعد شيّب خافق ٍ ميت فيك !!
والى مشى خطوه عثر في عصاته
مشكلتي / إن قلبي يحبك ويغليك
ومشكلتك / انك شخص عايش حياته
كثر الجفا .. نار .. وحطبها تغليييك
خف الحطب .. لا تزيد نار الشماته
إن ما احزنك جرح ٍ برجواه يدعيك
ما عاد تفرق .. عيشته من مماته
قلبي وعمري كلها بين اياديك
العمر فدوه .. لكن القلب هاته !!
وإن ما بغيت ترد قلبي ما اوصيك
احسن عزاه .. الى دريت بوفاته

للشاعر \ حمد البريدي ..

المصدر: الملتقى الجماهيري للشاعر محمد بن فطيس المري

شفتك بعد غيبه .. وحاولت احاكيك
مهوب من قلبي ولا من جراته !!
بغيت اقول / فلان وازريت احاكيك
وكني سمعت اسمي معا لالتفاته
فزيت من نومي وانا اقول لبيييك
وآثرك رويا .. في منامي وجاته
صفقت كف .. وقلت يا حلم يشوويك
جددت لي جرح ٍ هنى في مباته
يا اللي شريت البعد .. ما غاب طاريك
حتى لو ان البعد .. سواا سواته
مهوب محزني .. على حاجةٍ فيك
إلا إن قلبي شايف ٍ بك غناته !!
كن الطيوف تقول وشحال غاليك
وآقول راح .. وما بقى الا غلاته
لو ان ما جاني من الهم ياتيك
كان المصلي ما حفظ وش صلاته
مريت شارعكم .. وصادفني آخيك
واللي قطع كبدي .. حلاتك حلاته
بغيت الخبط من دعاياه ,, وادعيك
واسمك وقف بين اللسان ولهاته !!
وبغيت اجيب العيد وآقول : يرضيك
فاللي وصاتي له .. وضيّع وصاته
البعد شيّب خافق ٍ ميت فيك !!
والى مشى خطوه عثر في عصاته
مشكلتي / إن قلبي يحبك ويغليك
ومشكلتك / انك شخص عايش حياته
كثر الجفا .. نار .. وحطبها تغليييك
خف الحطب .. لا تزيد نار الشماته
إن ما احزنك جرح ٍ برجواه يدعيك
ما عاد تفرق .. عيشته من مماته
قلبي وعمري كلها بين اياديك
العمر فدوه .. لكن القلب هاته !!
وإن ما بغيت ترد قلبي ما اوصيك
احسن عزاه .. الى دريت بوفاته

الله الله الله رووووووووووووووووووووووووووووووووووووووووووووووووو ووعه

لاهنت ع النقل

قايلٍ مآيهوون ..
ويشرفني مرورك لاعدمناك ..

تسلمين ويسلم الشاعر
لاهنتي على النقل الرهيب

صرآحه أختيار اكثر من رائع

ذآئقه مميزهـ لاهنتي عليها

محمد الوريكي
الله يسلمك وقالٍ مايهون ..
ويشرفني مرورك ..

رمق
تسلمين يالغلا ..
ويشرفني مرورتس ..

..يابري حالي

لله درك على هالمنقوله الجميله جدا

حمد البريدي شاعر جدا مميز استمتعت بقرائة الابيات

تحيه لك