محاورتي مع الشاعر خلف الأسيد ..

محاورتي مع الشاعر خلف الأسيد ..

عين الصقر اسم مستعار لكن الله عزوجل وحده عارفك اتقي الله في نفسك وتشويه سمعت الاخرين اتقى الله

المصدر: الملتقى الجماهيري للشاعر محمد بن فطيس المري

محاورة فيها الابداع وتميز الشعراء بما يتظمن

شروط المحاورة من الفتل والنقض رائع جداً

وصحت الالسن والله يوفق الجميع

عين الصقر

دستور ياهل الشعر دستور دستور=عندي هنا شعار من كل ديره
من يمسك الطابور ومن ياخذ الدور=ويسل سيفه بالمعاني الشطيره

خلف الأسيد

عين الصقر تحتاج مسعف ودكتور=خوف (ن) عليها من الجموع(ن) الغفيره
نادت وجوها من هل الشعر جمهور=حسّب كلام البنت والله كبيره

عين الصقر

المشكله ابغى بعد صف طابور = كله عساكر مع جيوشن كثيره
يحمون من غطت على باقي الحور = خوفن على ثورة عقولن صغيره

خلف الأسيد

يابنت هدي واسمعي مني الشور= تمهلي ترى المساري خطيره
الليل موحش والبلد شبه مهجور=وانتي بجو الليل مانتي خبيره

في العجز المؤشر عليه صعوبه والتواء وثقل

عين الصقر

دامك خبير بجو مضلم بلى نور =وفيه المعاني كل ابوها مريره
الليل ماهو بس( للي لهم دور) =لرضاء غايات النفوس الحقيره

خلف الأسيد

جيتي على ضني وهالحين مجبور=اقول روحي وارجعي يا الأميره
الشعر فن وذوق واحساس وشعور=وانتي لعذبات المعاني سفيره

عين الصقر

من لاعرف للصقر يحسبه عصفور =يشويه لو هو كان في كل ديره
وياللي تعرف الحق وتميز الزور =الشامخه ماتنقصر بالمسيره
(يبدو لي ان هذا الشطر فيه مشكله في الوزن)

خلف الأسيد

عين الصقر مع طلعة الشمس مصقور=يطير لاكن ما يوكد مطيره
ياشين حال الصقر لا صار مغرور=ودك تحطه وسط جوف السعيره

عين الصقر

الحر لامنه كفخ عالي السور =مايقنصه قناص بيده ذخيره
والفكر لامنه غدا حيل محصور =راعيه في هرجه علومه فقيره

خلف الأسيد

عنتر شجاع وباللقاء خوفه ثور=والظلم هز الكوره المستديره
ماطار طير إلا وقع غصب معثور=يا الله عسى في تالي الأمر خيره

عين الصقر

انا اشهد ان الحق واضح ومخبور =والخير في وجه الذي نستخيره
وياشينها لاجاك خبلن ومطيور= ودك تـدق خشــمه بوسط العشيره

(شطر ثقيل )

شعراء ذو باع طويل في لّي اعناق الحروف ’’’
اعجني كثيرا هذا الأسلوب المرن
والراقي حبكا وسبكا ومعنى ومبنى وعذوبه ’’

فقط لي بعض الملآحظات وهي ان هناك حروف زائده لاظير فيها
ولكنها جعلت البيت ثقيلا نوعا ما ,,

وللتوضيح سوف اقوم بتلوين تلك الأحرف باللون الأحمر

الله الله استمتع بالمحاوره بصراحه


صح لسانك ياعين الصقر شاعره مميزه

وصح لسان قبيلك

وملاحظاتك ياشاعر قد تستفيد منها شاعرتناا

شكرا على هذه الاضافه ياشاعر


والله يجزاك خيرر


لاهنتم جميعاً

اقتباس المشاركة الأصلية كتبت بواسطة عبدالله السفياني محاورة فيها الابداع وتميز الشعراء بما يتظمن شروط المحاورة من الفتل والنقض رائع جداً وصحت الالسن والله يوفق الجميع

شاعر المحاوره : عبدالله السفياني

تُشكر اخي الفاضل على المرور .. ماعليك زود

تقديري

//

اخي الفاضل : الشاعر

مع احترامي لسموك .. لآأرى ابداً كسور في الأشطُر التي تم تحديدها

واذا يوجد كسور بالفعل لن يبخل عبدالله السفياني بنقدها

وبالأحرى أنآ لم اضع المُحاوره للنقد او للتحليل ..

تُـشكر على المرور

تقديري

//

كلامك صحيح وضعتي المحاوره للمشاكل والحقد واطعن في ظهور الناس واكل لحومهم اتقي الله

عيونك حزينه

اشكرك اخي الفاضل على المرور ..فالأروع مرورك ..

تقديري ..

//

الله الله عليكم وصح الله السنتكم مبدعين
ودي وتقديري