محاورة بين كلاُمن الشاعر الكبير عبدالله العلاوهـ والشاعر ابراهيم السفياني

محاورة بين كلاُمن الشاعر الكبير عبدالله العلاوهـ والشاعر ابراهيم السفياني

عبدالله العلاوهـ

من داخل الكهف الظلام وعتمة الليل البهيم = سلام ردية يشق الليل الأظلم نورها
الشاعر ابراهيم مثلي يعشق النهج القديم = والأثرياء تلقى بيوت الشعر وسط قصورها

طيب الهقوات
من عالي ابراج الثقافة فوق ذي علم عليم = يامرحبا بالردة اللي حاضرً دكتورها

حسب السواير والمبادي نهجنا نهجً قويم =من يأخذ الأرياء من العراف يقبل شورها
عبدالله العلاوهـ

دام البقاء يالشاعر اللي جار في الدار ورحيم =عدّ السنة وايامها وليالها وشهورها

موسى كليم الله ولاغيره من العالم كليم= يشهد جبل سينا ومصر انهارها وبحورها
طيب الهقوات

تسلم ولكّنك من الصكات شداد ومقيم=واحنا نعرف اصحابنا في غيابها وحضورها

انته تقوله وانت لاذلحين مغويك الرجيم = الله يجيرك من تهاويل السنين وجورها
عبدالله العلاوهـ
اللاش مهما عاش مايبغى الصراط المستقيم = تعجز يدينه لا تسوّي شئ في مقدورها

ياللي يدينك في جنوبك لاتظام ولاتظيم = حتى غضبها لوكبر يرجع على باكورها
طيب الهقوات

يامخلف النيات انا ماشي على النهج السليم = اصحابك الوافين حاذر لاتضيق صدورها
ماني بلاش ولاكليل ولاضعيف ولا غشيم = اجهل على الجهّال والعقّال اوفي دورها

عبدالله العلاوهـ

انشد هذيل اليا جهلت السالفه ولاّ سليم = الجاهلية دقها الإسلام في حنجورها
ترى العظيم الله يابوافي ولا غيره عظيم = وان طعت شوري فالجنائز خلها في قبورها
طيب الهقوات
ما اخبرك شاهد زور يوم انك غريم مع غريم = حنا قرينا والشريعة حافظاً دستورها
بنت الهوى جابت ولد واحد ولكنه عقيم = ان مات ولا عاش برقا ماتحس شعورها
عبدالله العلاوهـ
تقرأ وتكتب مير علمك مايوّقع فــ الصميم = والأرض ماتفرش لغيري وردها وزهورها
كيد الرجال اردى واخسّ شوي من كيد الحريم = لويكسرون يديك برقا ماجبرت كسورها
طيب الهقوات
اعمى البصيرة مايشوف الحق جعله للجحيم = اللي يحاول يطعن ثقات العرب فــ ظهورها
انا سليم من المكايد واحشم الرجل الكريم =جاتك الإشارة ! جنة المولى عساك تزورها

المصدر: الملتقى الجماهيري للشاعر محمد بن فطيس المري

الله الله يالعلاوه


شاعر كبير

افتقدناه صراحه , والله يرده مثل اول


اعجبني البيت ذا

بنت الهوى جابت ولد واحد ولكنه عقيم = ان مات وإلا عاش برقا ماتحس شعورها


والف شكر للشاعر عبدالله السفياني

مشكوووووور والله يعطيك الف عافيه

الله الله عليكم وصح الله السنتكم مبدعين
ودي وتقديري

يعطيك العافيه
متميز