قصيده في اخ عزيز

قصيده في اخ عزيز

السلام عليكم ورحمة الله وبركاته

هذي قصيده كتبتها في شخص وافي شروى من يقرا .. بعد ان سوى معي جميل لن انساه .. ادعكم مع القصيده ..

الصاحب اللي يظهر بوقت الشدايد واللزوم
مثل امي انه عن سنا عيني وعن كل ذهبي

فعله على مر الزمن يبقى بذاكرتي يحوم
لو شابت قروني وطاحت من عنا الشيب ركبي

ياصاحبي يارايتي ياسيفي بوجه الخصوم
يبقى مقامك معتلي يالشهم يالحر الأبي

بعض العرب لا جيت ابى انظم له قصيده ماتقوم
سيسانها واركانها لانها على غير اطلبي

لان القصيده مالها نشوه ليا جت فالعموم
والا لمثلك ياهواجيس الحنايا وارحبي

ان ما مدحنا شخص مثلك قرم من ربعن قروم
وان ما نظمنا لك سواة الهاجري والاكلبي

فانا بري والشاهد الله من قصيدي والهدوم
وانا بري من راس كتفي لين ياصل مخلبي

ذاك الجدي ذاك اليماني والمجره والنجوم
كلن عرفنا عز شانه في مساحة كوكبي

يبقى الشلي فعلا شلي والا النذل يبقى رخوم
وش جابك ديار السباع اليوم ياريم الظبي

الله يكثر خير دنيا عرّفتني في صروم
امثال ابو ناصر وصلى الله وسلم عالنبي

وسلامتكم

المصدر: الملتقى الجماهيري للشاعر محمد بن فطيس المري

اللهم صلي على محمد


يشرفني ياالامير اني اكون اول من يرد على هالقصيده

اللي دخلت قلبي واحتلت شأن كبير

لله درك وشرواك الطيب يالامير


هذا ما تعودناه منك يالقرم


لا فض فوك يالامير

واحلى تقييم

تحيه كوسع السماء

الله الله

شرواك الطيب طال عمرك

وعودتنا على الجزاله طال عمرك ورفيقك يستاهل

وبيض الله وجهك وصح لسانك وعلا شانك

لاهنت ولاخلا ولاعدم

لك كل الود والاحترام

صح السانك ولاهنت يارب

الف شكر لك على الابيات

شروآك الطيب يالغالي

أبيات جزله ..ويستاهل خويك

لاهنت يـ الامير .. وصح الله لسانك

اللهم صل على محمد وعلى اله

صح لسانك يا اخي العزيز امير الشريف


ودائما مبدع وتسلم يالقرم على

هذه الروعه المتجدده والمتواصله

وشرواك الطيب

ولكن ارجو لفت النظر لملاحظه بسيطه

يبقى الشلي فعلا شلي والا النذل يبقى( رخوم)

فهل ترا ان الكلمه الملونه تتناسب معى سياق البيت



تقبل تحياتي وخالص تقديري

اقتباس المشاركة الأصلية كتبت بواسطة العقاب اللهم صلي على محمد يشرفني ياالامير اني اكون اول من يرد على هالقصيده اللي دخلت قلبي واحتلت شأن كبير لله درك وشرواك الطيب يالامير هذا ما تعودناه منك يالقرم لا فض فوك يالامير واحلى تقييم تحيه كوسع السماء

لا هنت على الرد اللي ابهجني كثيرا .. شكرا لك بحجم السماء .. لك مني كل الود

اقتباس المشاركة الأصلية كتبت بواسطة عيد ابن دمخه الله الله شرواك الطيب طال عمرك وعودتنا على الجزاله طال عمرك ورفيقك يستاهل وبيض الله وجهك وصح لسانك وعلا شانك لاهنت ولاخلا ولاعدم لك كل الود والاحترام

يعطيك الف عافيه يابن دمخه .. نورت متصفحي .. لك مني كل الود ولاحترام

اقتباس المشاركة الأصلية كتبت بواسطة صاحبة سمو صح السانك ولاهنت يارب الف شكر لك على الابيات

صح بدنك .. ويعطيك العافيه .. تقبلي مني كل التحايا

اقتباس المشاركة الأصلية كتبت بواسطة ليل العآشقين شروآك الطيب يالغالي أبيات جزله ..ويستاهل خويك لاهنت يـ الامير .. وصح الله لسانك

صح بدنك .. والله لا يحرمنا ردودكم .. تسلم مرارا