مجاراتي لا بن فطيس

مجاراتي لا بن فطيس

السلام عليكم ورحمة الله وبركاته
يسعدني الانضمام لهذا المنتدى الراقي
وهذه اول مشاركة لي وهي
قصيدة مجاراة للشاعر المميز محمد بن فطيس
قرأت قصيدته قبل فترة واعجبتني وجاريتها بابيات بسيطة
والمعذرة اذا فيه اخطاء املائية
وأرجو من الأدارة توصيلها له
وإبلاغي بذلك

ابن فطيس يقول

خليفة عزمني عبر جوال اخوي سعود=وخليفة دروب الطيب نهجه وسيسانه
من ال الصباح وذكرهم مع هبوب النود=وتاريخهم ما ينكره كون عدوانه
وانا أغلي سعود وحاسبه مثل اخوي العود=سعود الفهد والطيب يمشي بشريانه
صديقٍ صدوق ورفقته كل يوم تزود=ما هي رفقة اللي لا التفت صاحبه خانه
قبلت العزيمة ود ماقصدي المردود=خليجي وفي داره ومن بين صدقانه
انا ما اعترف ان بيننا فالخليج احدود=هذا خال هاذولا وذولاك جدانه
واعرف ان جمهور الشعر فالكويت احشود=يعرفون قدر الشعر معناه والوانه
اعز الكويت وشعبها والقلوب شهود=ونفسي لراعي الطيب ما هي بخوانه
مواقف قبايلها معي موقفن محمود=صغير وكبير الشعب حضره وبدوانه
وموقف جماهير الشعر ما هو بمجحود=لو الود ودي اشكر الكل باذانه
ولا اسج من ربعي هل الموقف المشهود=بعضهم فضى الرشاش في سكف ديوانه
عسى الله يمن داركم والسلام يسود=وعسى الله يرحم جابر وتبرد اكفانه
عسى الله يجملني وجودي من الموجود=وتلقون عندي ما حضرتوا على شانه
قصيدن يونسكم ولا يقرب المنقود=قصيدن على ساس الادب قام بنيانه
مهو صف حكى ما لقى من حكى به فود=تسامج معانيه وتنقد على اوزانه
على كل صفحة صورته واقف وممدود=طموحه يحفظ الناس شكله وقمصانه
قصيدن احلاه شوي ومكرر ومعيود=دبل كبد جمهور الشعر طولة لسانه
تبنة ضهوره شلته واعلنت مولود=تلمع له اخدوده وتكحل له اعيانه
اتلفق لقاءاته بقصد النوايا السود=وعن آخر جديد افلان تستفسر فلانه
فلانه سكرتير المجلة ابو محمود=يضلل عقول الناس بافكار شيطانه
يحطون للشعر الصحيح العفيف قيود=والي خافوا الشاعر يقصون جنحاته
يقولون ما جانا على ما نشرت اردود=ومكاتبهم بكثر الاشادات مليانه
والي جاهم اللي ما له الا الله المعبود=يقولون سكرنا عددنا وبيبانه
والى جاهم اللي تسبقه واسطه ورود=يقولون بطلنا عددنا وعمدانه
لكن وقتهم ولا ولا ضنتي بيعود=وبيت بنوه بظلم ما دامت اركانه
ظهر للشعر عزة ومفتاحه المفقود=بعدما انسجن كم عام في جوف زنزانه
وترى اللي بيزعل يعتبر نفسه المقصود=على شان يدرون العرب وين عنوانه

وهذي مجاراتي لابن فطيس

على شان قافً ينعش اقلوب ثم اكبود = من الشاعر اللي ماحلا ورد بستانه
من المري اللي دايماً بالجزل معهود = الى من قنص للصيد ياخذ من اسمانه
ابن افطيس له عدً لحاله وفيه اعدود = يشرب من ازلال العد ويخلي اركانه
هيضني وجاريته على قافه المعدود = وعسفت المهار اللي للعساف فتانة
وجتني هواجيس الشعر ضامية وورود = وصدرتها باعقاد لوله ومرجانه
ترى اللي تقوله يابن الاجواد صح وزود = نطقت وصدقت بربع ياليل يادانة
عليهم عليهم ودنا نشعل البارود = ونحرر اسيراً مايبي غير خلانه
ترى الشعر من مدة شكا حظه المقرود = من اسباب ناسً للشعر مابها امانة
ياكم عملتً تزييف، ابطت واكلها الدود = لكن الذهب لصلي مايبطي بدكانه
وانا اشوف لي مستشعرينً يجون اوفود = ويصلون شرق بفرض ماتكمل اركانه
ويقولون حنا اللي رفعناه بالعمود = وهم سوستً قد لوثت باقي اسنانه
ترى وقتهم ولى وجا للقصيد اسود = عقب جات ناسً بالحداثات عميانة
ودربً مشوا به صار بوجيههم مسدود = مركبهم غرق فالبحر ثم مات ربانه
ياكثر الفحول اللي على الشعر مثل الطود = قد عافوه سبة من تلووا بكرعانه
مير الحين جاو وولعوا شعلة العبرود = ومن يحتزم بالخوص يعميه دخانه
ويسلون سيفً ساطياً صاملً مجرود = رهيفً يشيل الراس من عالي امتانه
وترى اللي بيزعل يعتبر نفسه المطرود = من الشعر ، موروثه، ونهجه ، وميدانه

وسلامتكم

وتقبلوا فائق الود والاحترام

المصدر: الملتقى الجماهيري للشاعر محمد بن فطيس المري

صح لسسانك يافهد


قصيده رائعه


لاهنت يالغالي

مشاء الله تبارك الله

صح الله لسانك اخوي فهد وبدايه جيده وياهلا فيك بمنتدانا

نورت واسعدت اخوانك واخواتك بأنضمامك اليهم

مجاراة طيبه من طيب راعيه ويكفي انه مجاراة للكبير والكبير الله شاعرنا محمد بن فطيس المري

ماقول الا الله يبيض وجهك وعساك على القوه وانتظر بوح قلمك بجديد يتحفنا

تقبل مروري اجمل تحيه لك

ارحب تراحيب المطر والسيل

اخي العزيز فهد نحن نرحب بك اجمل ترحيب

اولا صح لسانك والله لايهينك على المجاراه الرائعه


ولكن هناك ملاحظات يجب تفاديها اخي العزيز

ابـن افطيـس لـه عـدً لحالـه وفيـه اعـدوديشـرب مـن ازلال الـعـد ويخـلـي اركـانـه

فهنا في هذا البيت الالف في بداية الشطر الاول كسرة الشطر

اما الشطر الثاني فيجب ان تعيد النظر فيه ككل

وهنا اخي العزيز فهد في هذا الشطر

ونـحــرر اسـيــراً مـايـبـي غـيــر خـلانــه

لو قلت ونعتق لما بان خلل ولما تغير المعنى

وهنا في هذا الشطر

مركبهـم غـرق فالبحـر ثــم مــات ربـانـه

لو قلت

صداهم غرق فالبحر ثم مات ربانه

ليس ضروري ان تاتي بمركب

لكي توضف البحراخي العزيز

وهنا اخي العزيز

قــد عـافـوه سـبـة مــن تـلـووا بكرعـانـه

ولو قلت

تقاذوه لما تغير من الامر شيء

اخي فهد ولكن النص في مجمله

شامخ كشموخ صاحبه

اسف على الاطاله تقبل تحياتي وخالص تقديري

صح لسانك اخوي فهد

اقتباس المشاركة الأصلية كتبت بواسطة عيوني حزينه صح لسسانك يافهد قصيده رائعه لاهنت يالغالي

صح بدنك
واسعدني مرورك
تحياتي،،،

اقتباس المشاركة الأصلية كتبت بواسطة نايف الشمري مشاء الله تبارك الله صح الله لسانك اخوي فهد وبدايه جيده وياهلا فيك بمنتدانا نورت واسعدت اخوانك واخواتك بأنضمامك اليهم مجاراة طيبه من طيب راعيه ويكفي انه مجاراة للكبير والكبير الله شاعرنا محمد بن فطيس المري ماقول الا الله يبيض وجهك وعساك على القوه وانتظر بوح قلمك بجديد يتحفنا تقبل مروري اجمل تحيه لك

صح بدنك
والبقاء بك يالذيب
تشرفت بمرورك لاعدمناك
ولا عليك زود
والله لايهينك

اقتباس المشاركة الأصلية كتبت بواسطة ناصر الشريف ارحب تراحيب المطر والسيل

اقتباس المشاركة الأصلية كتبت بواسطة ناصر الشريف اخي العزيز فهد نحن نرحب بك اجمل ترحيب اولا صح لسانك والله لايهينك على المجاراه الرائعه ولكن هناك ملاحظات يجب تفاديها اخي العزيز ابـن افطيـس لـه عـدً لحالـه وفيـه اعـدوديشـرب مـن ازلال الـعـد ويخـلـي اركـانـه فهنا في هذا البيت الالف في بداية الشطر الاول كسرة الشطر اما الشطر الثاني فيجب ان تعيد النظر فيه ككل وهنا اخي العزيز فهد في هذا الشطر ونـحــرر اسـيــراً مـايـبـي غـيــر خـلانــه لو قلت ونعتق لما بان خلل ولما تغير المعنى وهنا في هذا الشطر مركبهـم غـرق فالبحـر ثــم مــات ربـانـه لو قلت صداهم غرق فالبحر ثم مات ربانه ليس ضروري ان تاتي بمركب لكي توضف البحراخي العزيز وهنا اخي العزيز قــد عـافـوه سـبـة مــن تـلـووا بكرعـانـه ولو قلت تقاذوه لما تغير من الامر شيء اخي فهد ولكن النص في مجمله شامخ كشموخ صاحبه اسف على الاطاله تقبل تحياتي وخالص تقديري

والبقاء فيكم

والفخر لي بالانضمام لكم
وصح بدنك أخي العزيز ناصر ومن قال مايهان
واسعدني مرورك يالغالي
وشكراً لك على الملاحظات الجميلة

وأحب ان اوضح

ابن افطيس له عدً لحاله وفيه اعدود = يشرب من ازلال العد ويخلي اركانه

الشطر موزون ولا فيه كسرة وانا غنيت جميع الابيات على الحان متعددة وتأكدت من الاوزان
أما الشطر الثاني ماادري ماذا تقصد فيه اذا كان قصدك الوزن فهو موزون مية بالمية وليس فيه خلل.
واذا كان قصدك المعنى فهو شطر مليان بالمعنى.
وفي هذا الشطر
ونـحــرر اسـيــراً مـايـبـي غـيــر خـلانــه
الشطر ليس فيه خلل اطلاقاً وكلمة نعتق ونحرر نفس الوزن

اما في هذا الشطر

مركبهـم غـرق فالبحـر ثــم مــات ربـانـه
لو قلنا صداهم لما تناسبت مع ربانه
لأن الربان هو القائد والأولى ان نقول مركبهم

أما في هذا الشطر قد عافوه سبة من تلووا بكرعانه

فكلمة قد عافوه وكلمة تقاذوه نفس الشي

وانا هنا لست في مسابقة شعرية يالذيب

ومنكم نستفيد طال عمرك وبيض الله وجهك

وتشرفت بمرورك في متصفحي
وتقبل كل الود والاحترام

اقتباس المشاركة الأصلية كتبت بواسطة fahad صح لسانك اخوي فهد

صح بدنك
سعددت بمرورك

صح الله لسانك اخوي فهد والى الامام