لج صدري

لج صدري

لج صدري لج خلفن على بير إرتواز
قروها يابس وراجت وداجت للمياه
شمس قيضٍ والوطا يجّهرك مثل القزاز
لاهب الجوزا حداها وحاديها ظماه
لاذكرت اللي بحسنه على الخفرات فاز
جادلٍ كن العسل من شفايفها حلاه
كل ماشفته خفوقي غدا فيه اهتزاز
كنه اليابان قد جاه مايبحث خفاه
في عيونه شفت موتي برمشه يوم هاز
وكن عنقه لالتفت لي مثل عنق المهاه
لو غدا مزاين عذارا خذا فيه إمتياز
والله إن يموت قلبي وهو يحيي غلاه


اتمنى أن ماقدمته يحوز على رضاكم وإعجابكم،،،،

المصدر: الملتقى الجماهيري للشاعر محمد بن فطيس المري

وراد صح السانك اعتلا شانك
تحيتي لك

الله الله الله
وراد صح الله لسانك على كل حرف
ابيات من الطراز الثقيل ولو كل واحد يتعب شوي على نصه
كان ارتقت الذوائق تحياتي لقلمك

صح بدنك يأخ بدر والله يعلي درجتك ومقامك
واشكرك والتحيه موصوله لك كذلك

صح بدنك يا ناصر ولا عليك زود
اسعدتني مشاركتك ولك جزيل الشكر

صح لسآنك يـ الأمير
.. يـ زين قصيد البدو بس ..

صح لسانك والله يعطيك العافيه على الانتقاء

في عيونه شفت موتي برمشه يوم هاز
وكن عنقه لالتفت لي مثل عنق المهاه

صـح السانك وتوصيف لايعلى عليه
وانت شاعر ماتكتب الا الجزيل