الجديد , على الله ياهمي ووقتي ومايبديه ,,

الجديد , على الله ياهمي ووقتي ومايبديه ,,

بسم الله الرحمن الرحيم ,,

السلام عليكم ورحمة الله وبركاته ,,

اسعد الله جميع اوقاتكم بكل خير وكل سرور وان شاء الله الكل بخير وعافيه,,

وعسى الخير فال الجميع ,,

اضع لكم ابيات متواضعه تكلم عن نفسها ومدى الاشتياق وكلي امل ان تنال اعجابكم وتحوز رضاكم ,,

يقول الغريب الي عذابـه علـى خافيـه=ليـا طـال سرالقلـب طالـت عواقيبـه
من الصبر والي باقي ٍ قلت لـك هاكيـه=عسى يقنعك يـا سٌـر صبـر ٍ تماريبـه
أعالج فوادي بالرجاء فيـك يـوم ابديـه=ولاشفت غيـر الشـر تالـع مشاهيبـه
عرفت ان كل الشر في عين من ارجيـه=وكرر مـن الغلطـات مافـات واجيبـه
الا يامقدر حالتـي وش بقـى لـي فيـه=كفايه ولايكفـي علـى القلـب ترتيبـه
اراعيك لكـن مـن يراعيـك ماتعطيـه=ياكود العذاب الـي بصـدري مضاريبـه
كفى مامضى والحال لوع الزمن يكفيـه=يعـاود بـه الطايـع قبـل مايقفيـبـه
يسرج جواد الفكر مـن شـي ٍ يعانيـه=صب الفـواد اليـا بـدا فـي مراقيبـه
على طيف ذكرى الامس لامن رجع يكويه=يطيـب الفكـر لاعـاد قافـه يغنيـبـه
يضمه زمانه للشقـى والعنـى يرميـه=ورمح ٍ يفوت ورمح من همـه يصيبـه
علـى الله ياهمـي ووقتـي ومايبديـه=علـى الله يـادرب السلامـه وماشيبـه
لعل وعسى ركب المثايل عقـب تحييـه=يشـوف البـلاد الـي غلاهـا يقاويبـه
يكون الرجاء يغلب على اليأس يوم انعيه=لامـن رجـع حظـي بعالـي مناصيبـه
ولمة جماعـات الوفـاء والغـلا تبديـه=زلال ٍ علـى سلـم العوايـد مشاريبـه
هي راحت الي ماستراح الزمـن حاديـه=شباب وظروف الوقت قـد بينـت شيبـه
بخير وسلامـه يلتقـي غالـي وغاليـه=ويكتب طريق الخيـر بأجمـل مكاتيبـه

وسـلامة نواظركم وقلوبكم ,, خالد العبيريد .

المصدر: الملتقى الجماهيري للشاعر محمد بن فطيس المري

صح الله السانك حتى ترضى

قصيدة جزله وماهي غريبه منك ويسعدني أكسب شرف أول المارين بها

تقبل مرور المتواضع أيها المبدع

دمت بخير

أختك
ثورة الزير

صح صح صح بوحك وكلك يامبدع
قصيده جزله من شاعر غني عن التعريف
لله درك ثم لله درك ياشاعرنا المميز
تقبل تحياتي ووافر احترامي وتقديري وتقييمي

مرحبا ياثورة الزير حياك الله ,,

الله يشرف مقامك وصح الله بدنك وصح قلبك وكلك ولاهنتي ,,

كل تقديري وشكري لك ولمرورك الطيب .

مرحبا يافزاع حيااك الله ,,

صح قلبك وكلك والله لايهينك ماعليك زود طال عمرك ,,

كل الشكر والتقدير لك ولمرورك يالغالي ,,

تحياتي وتقديري لك .

صح الله لسانك أخوي خالد .. الشهادة فيك سابقه ويشرفني إني أحد جماهيرك ..
وعن الشوق فكلنا شوق للديار وأهلها .. محاكيك بشتوتغارت ووضعي بيأخذ حوالي شهرين .. فلا خلا من دعاؤكم للمريض بالشفاء العاجل ..
شكري وتحياتي وتقديري .

ياهلا ويامرحبا يابو عبد المحسن حياك الله ,,

صح الله بدنك وصح قلبك وكلك ولاهنت واسئل من الذي لااله الا هو ان يفرجها عليك وعلى كل مسسلم وبذكر الله تطمئن القلوب يالقررم ,,

ماعليك زود في هامة الشعر وشرف كونك تابعت لي قصيده وحده ,,

خالص تحياتي وكل تقديري وامتناني لك بكل خير ولكل مسسلم .

يامرحبا مليارو مليار دبل ترحيبة في قدومك ياخالد منور المنتدى يابعدي ويعلم الله اني سعيد جدأأ برجعتك يالقرم والحمد الله على السلامه وسلامة الاسفار ياخالد والله اعلم اني احبك فالله
وصح السانك مليون ولايسدون وابيض وجهك ياصاحبي
تحيتي لك

الله يبقيك ويبارك فيك وياهلابك ويامرحبا يابدر حياك الله ,,

الله يسلمك من كل بأس وعساك ماتشوف الشر انت وكل مسسلم ,,

اشكرك جزيل الشكر على ترحيبك الطيب وتفاعلك الوافي ,,

صح قلبك وكلك ولاهنت ياغالي وتغلي من يغليك ومقامك بصدره كبير والله شاهد على ماقلت ,,

كل تحياتي وتقديري لك ووافر احترامي .

وعليكم السلآم والرحمة
صح لسانك وقلبك ولاهنت
والله يعافيييييييييك
ودي واحترآمي ~