رد على الاخ سعيد

رد على الاخ سعيد

من كلام الشنق ونق اللي تجسد في صميمه=ماني بثوري ولاني يا ابن قحطان انتقامي

بس انا كوري تفاعل بالعرب وازداد ضيمه=وش علام الناس ما تنشد ولا تدري علامي

لا تسجل لي قسيمه كان ما روحي لئيمه=والضياق اللي تبي تشكيه ساكن في عظامي

ما اهتنيت النوم من جرحي ودمعاتي غريمه=لا تهنيت الشراب ولا تهنيت الطعامي

اسمك يكفيك لو كان السعاده بك يتيمه=يا سعيد انت السعيد وشنق جرحه في تنامي

اتلوا للمشاعر واقطع الليل وعتيمه=واتحسس للهواجيس الجديدات القدامي

كل ضلعٍ بي غشته النار ثم هبت هشيمه=يوم موج الياس من فوقي غدا يا شيخ طامي

المراعي والحشايش والموارد للبهيمه=يوم صيد البر ولحوم الارانب للقطامي

يشبع بمخلاب كفه لن في كفه شكيمه=ما يدور للتدنس لو غدا راسه حطامي

يا سعيد اسمع كلامي واترك اصحاب النميمه=دام عزك في تنامي والاصل يا اخوك سامي

والمطايا ما تخصك غير لا كانت وسيمه=وسم ابياتك لجل ترقى بك لفوق الغمامي

شنق يدعي للعبيريد الله بلطفه يقيمه=والله يتمم له الصحه على روس الانامي

جات من شنق المعاني والمواويل العديمه=لين جاراها من الرامين والفرسان رامي

شاعرٍ قد قالو العربان شل شداد ريمه=بس في كفي جماها والثوادي والخطامي

المصدر: الملتقى الجماهيري للشاعر محمد بن فطيس المري

الله الله صح الله لسانك ولاهنت قصيده قمه وروعه
لاهنت على الطرح الجميل

محمد الشريف
صح بدنك ولا تهون على الاطراء والروعه في مرورك طال عمرك

ياهلابك يا شنق ونق وضح لسانك وعلا شانك
كلام جميل وفيه وفيه كل زين تحياتي وصادق
ودي لك ولاهنت

حياك الله ياشنق بنق ,,

صح الله لسانك وصح قلبك ودمت على صحه وعافيه وكل غلا وتقدير بارك الله فيك ,,

وافي وردك وافي ولاهنت ولاهان ابو محمد,,

شكري وتقديري للجميع .

لاهنت على الابيات وصح لسانك

لاهنت ,, مجارات جميلة للاخ سعيد ..
سح لسانك

اخ سعيد البقى بك مجددا
وصح بدنك والكلام باين ما فيه شي الله يهديك بس
ولا تهون على المرور الرائع

ابقاك الله يا العبيريد وصح بدنك وما عليك زود

وتروح وترجع بالصحه والعافيه ان شاء الله تسلم على المرور والاطراء