@ دعــوة للخ ـــيال @

@ دعــوة للخ ـــيال @

السلام عليكم ورحمة الله وبركاته

تخيل معي لو ان واحد من شيباننا هل البل ..

الله يطول في عمارهم على الطاعه ..

جابوه فجأه وحطوه حاكم على أي بلد خليجي ..

وش ظنكم بيسوي ..

اول شي ..

راح يستورد اكبر كميه من القهوه والهيل والزعفران ..

وراح يوزعهم على اقرانه كل شهر ..

وراح يمنع الكرك في كل الكفتيريات .. والكبتشينو ..

ويحط بدلها حليب ابل .. وغصب من ورى خشومنا نشربه ..

وراح يقطع كل منتجات الحليب حق الاطفال ..

وراح يعلب حليب الابل .. ويرزها في المجمعات والصيدليات ..

واللي في امها خير ماترضع بزرانها ..

وراح يحط في كل مطعم هنود .. بدل الجباتي قرص جمري ..

معفوس مع بصل وسمن .. ومن ورى خشومهم ياكلونه ..

وراح يطرد الخدامات من البلد والسواقيين ..

وكل وحده تشتغل في بيتها .. وكل واحد يسنع عياله ويوديهم مني مني ..

وراح يحط في كل مجمع وسوق عشرين مطوع ..

كل واحد منم معه خيزران ..

وكل متبرجه وكل مغازلجي .. على ظهورهم بالخيازر ..

اعتقد راح يتدخل مجلس الأمن لحل أزمة ذلك البلد ..

أخوتي واخواتي هل تخيلتم الموقف ؟؟؟

هذا مما راق لي للشاعر والكاتب القطري أخوي في الله علي الغرينيق

بصرحي الآخر فربي يوفق بو راشد استأذنته بنسخ ما سطره

وجزاه ربي كل خير لم يمانع وعسى ربي يفرحه ويسعده

ويخلي له عائلته يا رب ..

المصدر: الملتقى الجماهيري للشاعر محمد بن فطيس المري

هلا اختِ حروف من نور ..

موضوعك جميل ولو انه فيه من الخيال الشي الكثير .. واللي يدخلني في تشعبات كثيره .. وتخيلات اخرى ..

وقد اتناقض مع نفسي في كثير من الامور اللي اتخيلهاا .. لكن اؤمن بأن هناك براهين ودلاليل تبرهن بعض تناقضاتي تجاه بعض التخيلات ..


فقد قاد هذه الامه الى طريق الهدى .. أمي يتيم .. راعي غنم .. اللهم صلي وسلم عليه .. محمد بن عبدالله ..

اطهر البشر وخاتم النبييين .. خير مثال حيث قاد الناس الى حضاره اسلاميه .. وصلت من بلاد الاندلس الى بلاد السند ..

ومن بحر عدن الى .. حدود المانيا .. قد اختلف مع الاخ العزيز علي في تخيله ..

واعتقد انه تخيل من باب الفكاهه .. وقد يكون من باب التصور لكن .. بما ان الموضوع وضع في حرية الفكر ..

ارى ان تخيله يدور حول عبارة .. الرجل المناسب لا بد ان يكون في المكان المناسب ..

وبعض الاشخاص قد لا تكن نظرة الناس العامه له مشجعه لكن قد يكون موفق .. ويقدم ما لا يتوقعه الاخرين ..


هذه وجهة نظري تجاه هذه المسأله فلا يعلم علي ولا انا يمكن يكون راعي الابل خير من يقود هذا البلاد الى امور تنفعه ويثريها وهذا يأتي بعد توفيق الله عز وجل لهذا الرجل البسيط في نظر المجتمع ..



اذكر عباراة للملك فيصل بن عبدالعزيز رحمة الله قالها لوزير الخارجيه .. الامريكي كسنجر بعدما اوقف البترول عن امريكا قال اننا بأستطاعتا ان نعيش على الحليب والتمر .. او الماء والتمر .. كما كان اجددادنا ..

وهذا دليل ان هذه الحضاره القائمه .. والتي يعيشها علي ونعيشها نحن .. كلها بفضل الله ثم بفضل اجدادنا الذين بنوها وهم بالاصل رعاة ابل ورعاة غنم ..


مع احترامي للاخ العزيز علي لكن تخيله ما كان في محله .. فراعي الابل وراعي الغنم هذه العباراه نفخر بها ..

ومن يزايدنا بهاا هم الغرب .. فهم يطلقون علينا هذه العباراة الى يومنا هذا .. بقصد الاهانه والتقليل منا


وبلا شك نحن نفخر بذالك وهذه اصالة وحضارة مجتمعنا .. لا نتجرد منها ابداً

اشكرك اختِ حروف من نور على هذا الطرح ..

واتمنى لك التوفيق واشكر الاخ علي على تخيلاته اللي بصراحه فتحت لي وشرعت ابواب كثيره ومواضيع عديده استلخصتها من فهمي للموضوع ..


لاخلا ولا عدم أختِ

اخوك
أبو مشاري

لاهـــنـــتي
ي ـــالغلآ

هلابك اختي نور نورتي ربي يحفظك,,
وموضوع ..
كان في يوم حقيقه
كان الشيبان هم من يحكمون الأرض
بمايسمونه رؤساء قبائل
كان الناس اناذآآك قلوبهم على قلب رجل واحد
محبه وألفه واجتماع على طاعة الله
وصدقيني لو يحكم احد الشياب احد دولنا راح تكون أجمل
على الأقل راح,,يزرع نقاط اجابيه في المجتمع
فقد فقدنا نقاط كثيره,,,
عاشوا اجدادنا على الحليب وعلى الحياة القشرى
ولكنهم كانوا مثال في الخلق والقيم
زرعوا بذور كثيره لازلت في نفوس كثير
من ابناؤهم
وان هي اليوم اصبحت تندثر,,,
تحيه يالغلا
وربي يوفقك دنيا واخره

الله عليك قلم مميز
ربي يسلم الايادي
يعطيك العافيه
ماننحرم

يعطيك العافيه اختي

اذا بدينا بحل العقود وفك الرموزوتتفتح دوائر الخير والشر الي دائره واحد وكلهم

في جهت اليمين والي يطلع عن الدائره نطقه علي خشمه ونمشي الدائره علي

اسيا ومن ثم افريقيا ومن ثم اوربا ونخلي ابل الشايب ترتع مدريد ونخلي بنات وشباب

اهل مدريد يشربون حليبنا من وراء خشمهم ونفتح سلسله مطاعم للوجبات سريعه لحم

حاشي في ايطاليا في هذه الحاله ليس من الخيال بل سوف تاتي اذا اتحدت القبائل

بعدنان وقحطان ويكونون كصف مرصوص والله الذي لا اله الا هو سنفتح اوربا.شكرا