هـل الـنـخوهـ ,,

هـل الـنـخوهـ ,,

بسم الله الرحمن الرحيم ,,

السلام عليكم ورحمة الله وبركاته ,,

اسعد الله صباحكم ومسأكم بكل خير وكل سرور وسعاده ,,

اضع لكم مشاركه وهي ابيات ردا ًُ على احد الشعراء عندما ارسل لي ابيات يذم فيها قبيلة عتيبه وعتيبه اشهر من نار على علم وتمجدها افعالها وتشهد لها ولاودي بذم قبيلته ولاتطرق لها ,,

بالرغم ان كل القبايل فيها حقها من طيب وردى ,, لكم الابيات وشكري وتقديري لكم ,,

خضع لي غصن قيفان المعاني وانحنا ثم مال=وقمت اقطف من الجزلات بأفكـاري ونقيهـا
ارتبها على ميزان فكري ليـن فكـري نـال=ثمين القـول وهجوسـي بعيداتـن مراميهـا
وقبل ابدا بموضوعي ابذكـر ربـي المتعـال=على عرش العلا رب الملا عالـم خوافيهـا
ياربي عفوك ومدك ليا ضعفت بـي الاعمـال=نهار ٍ فيـه هالدنيـا تشيـب ابكـل مافيهـا
رجيتك ياعظيم ولايخيب ابك الرجاء لو طـال=تثبـت نفسـي لسنـة نبيـك ليـن اوفيهـا
ورجيتك ياكريم الطف بنا في ساعة الاهـوال=ليا جاء يوم فيه الخلق تحشر كـل ارضيهـا
وبعد ذكرك اعود الما بديته وابـدع الامثـال=اعود لزيـن قيفانـي واكمـل فـي معانيهـا
وابنصح من تكلم بالخطا من غير ذنب وقـال=بيوتـن ماتجمـل بالمعانـي وجـه راعيهـا
ترا ماتكتبه محفوض لو طال الزمـن مـازال=على وجهك يبيـن بيـوم نفسـك ماتبريهـا
وترا (الشاعر)لقب غالي ثمين ولايجي بالمال=يجي بأخـلاق وافكـار ٍ تناجيـك وتناجيهـا
وهزل الهرج ماله مع مراقيب العـلا منـزال=وفعول اهل الوفـاء ماكل ٍ بقافـه يزكيهـا
وترا ذم الرجال الي لهم وقت الشدايـد فـال=مصيبه والمصيبـه كايـده محـد ٍ يداويهـا
تذم عتيبه الهيـلا ولاتـدري عـن الافعـال=جهلت الوقت وأفعال ٍ شموع الوقـت تحييهـا
ويوم الناس فالماضي هذى راحـل وذا نـزال=ليا جو في ديـار القـوم تطردهـا وتحميهـا
لهم عادات وسلومن تقدي جيل بعـد اجيـال=هل النخوه توفي حق منهـو صـاح ناخيهـا
وهل بيوتن بنو سيسانهـا بالجـود للهشـال=وتفرج هم منهو سار مـن ماجـاه ناصيهـا
وانا ماقول في كل القبايـل قاصـر ٍ ينقـال=دروب المرجله تنشاف وصعبات ٍ مماشيهـا
حد ٍ يجري بها واحد ٍ على جسمه بها تفصال=وحد ٍ عنى حياته ماوصـل حتـى حراويهـا
هذا قول العتيبي صال في معنى القصيد وجال=ينادي كل جزلـه مـن هواجيسـه بساميهـا

وسـلامـة نـواظركم ,, خـالـد الـعبيـريد .

المصدر: الملتقى الجماهيري للشاعر محمد بن فطيس المري

وترا (الشاعر)لقب غالي ثمين ولايجي بالمال

يجي بأخـلاق وافكـار ٍ تناجيـك وتناجيهـا

سسح لسانك ,, وسبعة انعام بالهيلآ ..
والشاعر لا تردت اخلاقه ما يتفاخربه قومه ,, راس ماله اخلاقه ..

الله يحفظ السنتنا عن العالمين ,,


تحيتي وتقديري لسموك الرآقي
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

صح لسآانك خآالد
ونعم بعتيبه وكل القبآيل . .
وأي واحد يذم قبيله هذا نقص فيه
أبدعت فيهآ صراحه الله يحفظك يآارب

اخ خالد العبيريد صح لسانك اخي وصدقني
اني لا التفت لمثل هذاه الأمور لحيث ان عندي
قناعه انه لايذم الرجال الا ارداهم ولكن تختلف
نظريات الرجال فيهم من يتجاهل مثل هداه
الامور ترفع واستصغار لأمن يذم الناس
وفيه رجال يلجمون من يقوم بذالك ولكن
اني لارها الا اعطايه فوق حجمه عموما صح
لسانك وعلا شانك ولافيك شك تحياتي وصادق
ودي لك ولاهنت*

صح لسانك ودي
حلم~

خالد العبيريد العتيبي
صح الله السانك على ما قلت رجل مواقف وانا اشهد
والنعم فيك وفي قبيلتك الهيلا وجيمع القبايل
وبعيد عن الموضوع
أعجبني أسلوبك في الطرح وعذوبة حرفك وسلاسته
تبارك الرحمن

وترا (الشاعر)لقب غالي ثمين ولايجي بالمال
يجي بأخـلاق وافكـار ٍ تناجيـك وتناجيهـا
واللي كتب هذا البيت شاعر صاحب فكر كبير
بمعنى حتى وان نزل إلى هذا المستوى(مستوى الشاعر المقابل )
إلا انه بنزولة شموخ وعزه واحتراف
لله درك
فكرك كبير يا خالد حافظ عليه والله لا يضرك
أخوك الصغير عامر الشنيف

صح لسانك حتى الرضى وما راح ازيد على كلام القحطاني
عتيبه معرف والمعرف لا يعرف
ولا يرمى بالحجر الا المثمره من النخيل
انتم غنيين عن التعريف ومن حقك تفتخر في قبيلتك
وعز الله انك انت وشعرك تشرفون من تمدحونه
تحياتي

اقتباس المشاركة الأصلية كتبت بواسطة فراشة وترا (الشاعر)لقب غالي ثمين ولايجي بالمال يجي بأخـلاق وافكـار ٍ تناجيـك وتناجيهـا سسح لسانك ,, وسبعة انعام بالهيلآ .. والشاعر لا تردت اخلاقه ما يتفاخربه قومه ,, راس ماله اخلاقه .. الله يحفظ السنتنا عن العالمين ,, تحيتي وتقديري لسموك الرآقي [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

حيااك الله فراشه ,,

صح الله بدنك وصح كلك ولاهنتي على حضورك المضئ وتعليقك الطيب ,,

تحياتي وتقديري لك .

اقتباس المشاركة الأصلية كتبت بواسطة الماسـه صح لسآانك خآالد ونعم بعتيبه وكل القبآيل . . وأي واحد يذم قبيله هذا نقص فيه أبدعت فيهآ صراحه الله يحفظك يآارب

حياك الله الماسه ,,

صح الله بدنك وصح قلبك والله ينعم بحالك ,,

لاهنتي على حضورك المضئ وتعليقك الطيب ,,

تحياتي لك وتقديري.

اقتباس المشاركة الأصلية كتبت بواسطة سعيد محمد القحطاني اخ خالد العبيريد صح لسانك اخي وصدقني اني لا التفت لمثل هذاه الأمور لحيث ان عندي قناعه انه لايذم الرجال الا ارداهم ولكن تختلف نظريات الرجال فيهم من يتجاهل مثل هداه الامور ترفع واستصغار لأمن يذم الناس وفيه رجال يلجمون من يقوم بذالك ولكن اني لارها الا اعطايه فوق حجمه عموما صح لسانك وعلا شانك ولافيك شك تحياتي وصادق ودي لك ولاهنت*

حياك الله يابو محمد ,,

صح الله بدنك وصح قلبك ولاهنت وبلا شك من غير تقول انت من الرجال الي مجربين ومخبورين ,,

وقد قالو اهل المعرفه كل ٍ على ماقيل عقله يقديه ,,

لك شكري وكل تقديري ووافر احترامي ياغالي .