الشاعـر المبدع نواف الشلهوب

الشاعـر المبدع نواف الشلهوب

رشيد من المعجبين بالشاعر نواف الشلهوب
وهذه بعض قصائده التي نشرت في الصحف
علها تجد القبول والاستحسان لديكم.
ايضا" صدر له ديوان شعري اختار له اسماً جميلاً جداً هو (بياض) كتب مقدمته صاحب السمو الملكي الأمير الشاعر بدر بن عبدالمحسن الذي أشاد بالشاعر وقصائده ، ويقع الديوان في 196 صفحة ، وها هو شاعرنا العذب يقول:-

بعضه غزل..

بعضه هيام

بعضه هزل..

بعضه كتبته في سفر

وبعضه كتبني في ظلام

بعضه كتبته في سفر

وبعضه كتبني في الرياض

والبعض في جده انكتب

مير المهم

كلّه بياض

.




الشاعر/ نواف الشلهوب

.



شيخة الكل



يا من يهل الطل لو صوتها طَل
على مشارف مسمعي لو ثواني
مبطي وانا مشتاق للصوت والطَل
اللي حفيت القى مثيله سباني
من يوم عنّي غبتي يا شيخة الكل
وأنا رفيقي حزني اللي غشاني
تَل الجفا الفرحات من بيننا تَل
يمشي على منهاج حضرة زماني
عشقي كبر ما في المغلّين من غِل
وشوقي كثر ما في عيونك معاني
من شوفتك ينبت على رموشي الفُل
عن شوف غيرك شوفك إنتي عماني
تفرش قوافي الشعر لوصوفك الزّل
شاعرْك أنا.. والواهب اللي عطاني
ومنك العذر لو ناح أوباح أوزَل
في (وش كثر يهواك قلبي) لساني
بنت الكرم يرجيك هيمان معتَل
لو مو عشانك تاصلينه.. عشاني
ودعواي للي جَل من فوق من جَل
يسامح اللي عن عيونك خذاني


.........

يا حزامي



مجد الشعر ما كل مبدع ينوله
صفوة هل الإبداع هي من تطوله
لي الشرف كوني أجيده وكوني
ابن الذي تسبق كلامه فعوله
من كوكبٍ جانا يسمّى بساطه
من يشبهه في الأرض غير الرجوله
لوجاه (شوف العين) ما أحدٍ روالي
أبو الحمول يشيل عنّه حموله
خدمة بلاده درب يمشيه.. لوّه
من طول مشيه فيه تدمى رجوله
مهما أحاول أوصفك يا حزامي
تبقى يا أبوي محاولاتي خجوله
من خادمك نواف يا أبوه منصور
غيث الرضا صحراه ترجى هطوله
وسامح شحيح القاف لأن الكتابه
في قامتك.. ما هي بهذي السهوله


.........

اللي كان



يا حبيبي.. آسف اللي كان من أول حبيب
ياللي من كل المناصب في الهوى بالحيل أسمى
إيه كم مرّه كتبت إني نسيتك.. والغريب
كل ما جيت أكتب النسيان خطّيته على الما
آه يا حر الفراق ويا قسى قلبي النصيب
كيف يتركنا نهيم ونرتوي بعدين نظما
سامح الله المشاعر يوم تزهم لي المشيب
زارني ما ردّها مع إنها يا ناس طرمى
لو نزعتك من عيوني وتحت أنظار الطبيب
ما منع عينك تشوف عيون من فرقاك تدمى
الصدف وأحلى صدف وانته وهالقاف العريب
من تفرقتوا أشوف النور كل النور ظلما
القراده ما لقت غيري في هالكون الرحيب
شخص يعجبها خفوقه من سهام البعد يُرمى
البلا إني لا نسيت ولاني من قلبي قريب
والسبب أقدارنا وان الهوى من خلق أعمى

..............

المرجله



يا أهل العقل وأهل الفكر والنجابه
قولوا لمن فكره عن الحق صايم
اللي يحسب المرجله والذرابه
تقطيع لحم مفطحات العزايم
قولوا له إن المرجله ما تشابه
معَ فعول الحاقدين الخمايم
اللي إذا قفّى رفيقه حكابه
ثم تبّع الغيبه بـ زور ونمايم
درب العلا يا هيه.. فعل ومهابه
ماهوب بَرْبَرة الليال العتايم
ما كل من راده جاه ووطابه
دربٍ يغز الشوك حدر الرخايم
بـ أعيش عمري زين.. دامي فـ شبابه
يومي عن السقطات والدون شايم
يا جلسةٍ بين الأهل والقرابه
تسوى من الصفقات كل الغنايم
يا أبوي كل الحب.. كل الحبابه
شفها تحت رجليك لرضاك دايم
ياللي مخاوي العز دامي فـ جنابه
أدعي عساك تدوم قاعد وقايم
ياللغرابه شخص كله غرابه
اللي خياله في سماء الجهل هايم
من يختز لها.. مرجله مع ذرابه
بتقطيع لحم مفطّحات العزايم


...........

وببصمة (أبو منصور) المؤثرة الخاصة وحديث الروح المتناهي من شغاف القلب في قصيدة مميزة يخاطب بها والده الأستاذ منصور الشلهوب:

عطني يدك يا أبوي واقبل رضاك
أدري مقصّر وانت ياما تسامحت
راضي على اللي حيل تاه فعطاياك
أو هو يجاور دعس رجليك من تحْت
يا سيّدي.. يا تاج راسي.. سواياك
ياعظمها أسرار.. ياكثرها إن بحْت
لو كان فيني عُشْر ماربّك أعطاك
ياكم باب وباب للخير فتحّت
يوم البشر أفواج في الضيق تنصاك
عن موضع التفريج لا ما تزحزحت
اللي هنا مثل الذي واقف هناك
كلٍ يجي له دور والكل فرّحت
شخصٍ دعا ياليت يصبح من أبناك
ما قال ميد ابوه.. يا ابوي: إن رحت
من حبّه المعبود لو حوله أشواك
كن الجذب للناس منحوت به نحت
قدّام جودك إيش من حضرتي جاك
غير القصور اللي به اليوم صرّحت
ودي أشيل اليوم حملك مع عناك
يرتاح هم البال لو شفتك إرتحت
وأقبل إيدك لو غصب وأشحذ رضاك
يامن علي ياما وياما تسامحت


.......

(الدر)



أنا وبُعْدك والمعاناة حاله
وإنت وضميرك دام ذا العمر ساعات
لو المواصل من تمنّاه ناله
ما كان مثلي الليل يقضيه ونّات
الشوق شايب وانت أصغر عياله
قربك هَنَا والبعد بالحيل حسرات
يالدر كلّك ساكنٍ بي لحاله
لو كان شعبك أغلبه في المحيطات
يا كيف يا قلبي تحب بـ هباله
ثمْ جيش قافك قِيد برضاه بـ سكات
لأبو الحلا من شد سمعي مجاله
وأبو الترف مشرّه التيه جينات
أهواه.. ما يمشي على الأرض عاله
وأهواه.. ما تحوي المخاليق ذرات
وأهواه.. ما يرجي وصالي وصاله
وأهواه.. ما قيلت بهالكون كذبات
لحظة يغيب من الفكر استحاله
رغم الظروف الجايره والمسافات
وهو الذي وان جيت مرّه فـ باله
أمطرني شوف الحال زخّات زخّات
من غاب عنّى وحالتي منْه حاله
ليته يعوّد دام ذا العمر لحظات
ولو المواصل من تمنّاه ناله
ما شيف مثلي الليل يقضيه ونّات

..........

يابو غضب


أهديتك آسف طوع.. ما هو غصيبه
والاّ الغلط تبطي تجي دربه خطاي
تقدير ربعي فوق قدر الحبيبه
اللي تمكّن حبّها داخل حشاي
يا بو غضب سَمّوك بالأمس.. طيبه
ملزوم تقبل تسمع اليوم شكواي
وشلون تزرع بين الأحباب ريبه
شف كيف غرسك أثمر عتاب بـ شفاي
يا بوغضب واللوم جوعان ذيبه
شرّبتني الصدمه مثل شربة الماي
تخوين ربعك ليتها بس عيبه
مير البلا تكوي فرح قلبك الجاي
يا بوغضب لعيون منهو نصيبه
يدندن الضيقات أبيات في ناي
اغرف بدون حساب غرف النهيبه
يوم إن حسن الظن قد فاض جوّاي



.

المصدر: الملتقى الجماهيري للشاعر محمد بن فطيس المري

مشكور على هذا التواصل !!وصح لسان الشاعر

اقتباس المشاركة الأصلية كتبت بواسطة عبدالله السفياني مشكور على هذا التواصل !!وصح لسان الشاعر

اشكرك جزيل الشكر

وعليكم السلام ورحمة الله

وش اقول


منجد اتحفتنا بجميل الطرح والانتقاء الراقي


صح لسان الشاعر ولا هنت رشيد


شكرا جزيلا


تحيتي وتقديري ونثر النجوم هنا وتقيمي

أبدعتواا ..


الله يوفقه ..

اقتباس المشاركة الأصلية كتبت بواسطة لولوه المري وعليكم السلام ورحمة الله وش اقول منجد اتحفتنا بجميل الطرح والانتقاء الراقي صح لسان الشاعر ولا هنت رشيد شكرا جزيلا تحيتي وتقديري ونثر النجوم هنا وتقيمي

اقــبـــل حــالـــي الــمــتــرف والــمــغــرور والـمـخــتــال جا يـلــعــب مــع غــيـــرك لــكـــن حـصــلــك انــتـــي .oOo. وادبـر كـل مـا فينـي مـن ضيقـات .. مـن غـربـال اخــيــرا قــلــت مــيـــد الـعــيــن قـريــتــي .. وارتـحــتــي .oOo. اعجـابـي واشـواقـي بعـصـر الـزيـف لـــك سـلـسـال لـجـل يبـقـى مـعـك يـالــدر لــو عــن عـالـمـي غـبـتـي .oOo. حنينـي والغـلا عصفـور رفـرف فـي سمـاك وجـال شـــعـــوري والــشــعــر دولــــــه ردد شـعـبــهــا دمـــتـــي .oOo. احــبــك بـالـعـقـل ذره .. وكــبـــر الـنـايـبــه بـهــبـــال احـبـك والعـمـر سـاعـه .. وانـتــي الـعـمـر لا هـنـتـي .oOo. واحبـك حــب يــا قـربـه مــن عـشـق البـخـل للـمـال واحـبـك كـثـر مـــا الشـيـطـان ضـيــع وقـتــك ووقـتــي .oOo. بنت الناس من حسنك ..واست حظها اللي مال وام البـنـت مــن بـعـدك .. لـيــت الـبـنـت ذي بـنـتـي .oOo. عيون الناس لو تدريـن تحسـد فيـك حـب الخـال وعـيــن الـزيــن مـسـحـوره نـهــار بـروضـهـا دجــتــي .oOo. حـتـى ساعـتـك صـامـت عقـاربـهـا عـــن الـتـجـوال كــلــه مــن ســبـــب عـيــنــك يـــــوم بـسرهــا بـحــتــي .oOo. تـراقـص لــك فــرح قيـفـان كنـتـي لسحـرهـا منـهـال والا يــــا حـضـهــا عـيـشــه عــلــى خـديـنـهـا بـســتــي .oOo. وتتشـرف بـك الدنيـا ومـا تحـويـه لــو هــو ظــلال وتـمـسـي معـشـبـه دروبـن علـيـهـا بالـخـطـا دســتــي .oOo. مــا تـنـلام ارض الـوصــف لـــو بـيصيـبـهـا زلـــزال ومــا تـنـلام حـتــى الـشـمـس لـــو بتـغـيـب ان بـنـتـي .oOo. مـرايــه حــاولــت مــــره تــســرق حـسـنــك وتـحـتــال كـشــف لـــي زيـفـهـا الـبــرواز قـــال بفضـلـهـا زنـتــي .oOo. مـــال الـــروج للكـحـلـه فـــي شـنـطـتـك ثــــمـن قــــال كـنـتــي بـعـيـنـهـا حــلـــوه ويـــــومـن شـالــتــك شـنــتــي .oOo. وصار الكل في الشنطه طموحـه بـس لـو ينشـال لـجــل يـكـشـخ عـلــى وجـهــك لــــوك بفـعـلـتـه لـمـتــي .oOo. قـومـي واشبـكـي تكفـيـن فــي رجــل الـعـنـا خـلـخـال قـومــي واعـرفــك خـبـلـه ولـــو بـاجــــوز مــــا جــزتــي .oOo. جـيــبــي قــطـــن خـلـيـنــا نــحــنــط حــبــنــا لـاجـــيـــال لـجـــل يــدوم لـلـعـشــاق لـــو شــيــبــت او شــبــتــي .oOo. لمسـت بهامتـي سقـف المشاعـر بيننـا ثــم ســال من غـيث الـوفــا وادي سـقــى من حـبـنـا نـبـتــي .oOo. علاقتـنـا كــذا سهـلـه .. نشكلـهـا مـثــل صـلـصـال عـلاقـتــنــا تـرا ادمـــــــان وذا وجـــهــي اذا تــبــتـــي .oOo. طبـطـبـنـا عــلــى الـربــكــه ولـبـسـنــا هــوانـــا شـــــال مـعـالـيـقـي غـــــدت اهـــلـــك عـلـيــهــا كــلــهــا مــنــتــي .oOo. طلبتـك صـدقـي يــا شــوق لــو قـيـل الـهـوى قـتـال وامــانـــه كــذبـــي الــعـــاذل لـــــو يـتـفـلـسـف ويــفــتــي .oOo. ترانـي جيتـلـك صـدفـه .. وحبيـتـك عـقـب بـخـبـال تـرا وان ثرثـرت اهـواك قولـي : مـن سبـب صمـتـي .oOo. ثـلاثــه هـــي تـــرا دنــيــاي.. ودي ثـلـثـهـا يــنــزال امسـي لـلاسـف كـانـوا .. ويـومـي وبـاكـري صـرتـي

اخوي الغالي رشيد
سلمت اناملك على الطرح الرائع
..وسلم راس شاعرنا المتميز
تحياتي

سلمتم ولا ندمتم
-
رشيد

.
.
عَلَّمتْني عزِّتي عشق الغمام

وَعلَّمتْني همِّتي عوف الكرى




أوقد الشمعات.. ما ألعن ظلام

نشوتي لاشفت بسمات الورى




الفعل له صوت أقوى من كلام

والنوايا هي سبايب ما جرى




والخطاوي ما تبي غير الأمام

لا يمين.. ولا يسار.. ولا ورا




أسعد وأسعى وأحزن بابتسام

والهموم إن جات ما تبطي ترا




يا كذا.. ولاّ على الدنيا السلام

يا نفوسٍ ما تباع.. وتشترى

** **
-
#شعر

نواف الشلهوب



.