مالك عن المكتوب مذهب وتصريف,,

اقتباس:
المشاركة الأصلية كتبت بواسطة خالد العبيريد [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
بسم الله الرحمن الرحيم ,,

السلام عليكم ورحمة الله وبركاته ,,

اسعد الله مساكم وصباحكم بكل خير وكل سرور ,,

اقدم لكم ابيات من الاريشف ونجددها امامكم وكلي امل ان تنال اعجابكم ,,

يـاشعـيل زيف بسمـة الـوجـه تزيـيف=وجـامـل عـبـاد الله ولـو كـنـت محـتـاج
أصبـر وخـفـف ضيـقـة الـصدر تخفـيف=دام الصـبـر يـاشـعـيل يـقـفـاه الافـراج
وان كـان تشكي لي بزود المظاريف=وتنثي لي الشكوى على الطرس بالزاج
مدري عذابك من سموم العـواصيـف=والا مـع اهل الـطـب لـك قــســمة عـلاج
مـالك عن الـمكتوب مذهب وتصريف=كـم واحـد ٍ حظـه مـع الـوقـت مـنـعـاج
قبلك جـرالي في زمـاني صـواديـف=الـحـزن فـي وجهـي وفـالقـلب وهـاج
وسود الليالي بالسـعاده مـناكيـف=وادرج على نفسي من الضيـقه ادراج
وعيني حربها النوم ولاطاب لي كيف=حتى غدا حالي كمى سلك ديباج
أسلـي الـخـاطـر بروس الـمشاريـف=ولاني من الـضيقـات دالـه ولاسـاج
صـابـر وراجـي فـالليـال الـمـخاويـف=وعسى البـخـت يرقى مع الطير لاراج
ماطاب لي مرباع ولاطاب لي صيف=ورضـيـت بـالـواقـع ولاعـنـه مـخـراج
وأحذر من الي يجمعون السواليـف=أهل العلوم الي كمى صفـق الامواج
الرجل دايم عن دروب الردى معيف=وعن الوطى يرقى على روس الابـراج
من سابق الاجيـال عـبـره وتعـريـف=ناخذ مضـامـيـن الـتـجـارب والأنـتـاج
ولالي بعد شكواك عذر ومعـاريـف=في واجبي يـاشـعيل ثابت كمى سواج
حـالـي مـبدا بـعد كـل الـمصاريـف=وبـجـاه قـوم ٍ بـالـوفـاء حـازو الـتـاج
مـالي عـن الـواجب غياب ومحـاريف=انا مـعك ياشـعيـل في كل منهاج

(سواج ) جبل جنوب من محافظة الرس ,,

وسـلامة نواظركم وقلوبكم ,, خـالد الـعبيريد.



هلابك ياكحيلان ،،

وياهلا بالشعر الحقيقي ، والجزاله ،،،

وأنت سالم ،،، وصح لسانك من اللحين الى يوم الدين ،،

قريت القصيده اليوم المغرب ، بس كنت زائر ، ماسجلت دخولي ،،

ومن المغرب وأنا كل شوي أردد هالبيتين


قبلك جـرالي في زمـاني صـواديـف
الـحـزن فـي وجهـي وفـالقـلب وهـاج


وسود الليالي بالسـعاده مـناكيـف
وادرج على نفسي من الضيـقه ادراج


مع أن القصيده كلها أبداع ،، بس هالبيتين تحاكي شي في نفس أخوك ،،،

الله يبيض وجهك ياخالد ،،،

لاهنت ياقدير
،