برد المكاتيب

برد المكاتيب

.....!!! برد المكاتيب!!!.....
هبت جنوب وطاح برد المكاتيب
..................ويا كثر ما هب الجنوب وذكرته
يملأ حضوره من حضوري وأنا أغيب
..................وياما غيابي في غيابه حضرته
ان جاء مطر صارت له إضلوعي اشعيب
..................وإن راح ريح(ن) طير اللي بذرته
طال السكوت ومال صمتي مطاليب
..................غير الكلام اللي وقف وانتظرته
جنبت لو مالي عن الدمع تجنيب
..................من وين ما صديت فيني شعرته
واصمتي اللي صار فعيونهم عيب
..................واجرحي اللي لو فضحني سترته
لي صاحب(ن) يملا كفوفه تراحيب
..................لولا الحيا من ضحكته ما اعتبرته
يا صاحبي ماهي عليا مقاضيب
..................عذروبي انك ذخري اللي ذخرته
عذروبك إنك شوهتك الاكاذيب
..................عذروبك إنك جاك طيب ونكرته
إن جيتني بفراق زود العذاريب
................ لاأجيك أنا من زود صبر صبرتــه
للطير جنحان وريش ومخاليب
..................لكن يضيع صيدته في غبرته
ومن جزم نفسي يوم صار الردى طيب
..................حلمي قبل لا يكسرونه كسرته
ومن راح مني قـلت يا عله مصيب
..................دورت له عذر(ن) كريم وعذرته
للي يبي بعدي أنا ماني قريب
............... إما ربحني وإلاأنا مـاخسـرتـه

قلبي خويي مالقلبي معازيب
..................واللي حقرني من رداه احتقرته
رغم الجروح اللي بقلبي معاطيب
............ حبيت كفين الزمــان وشكــرته

المصدر: الملتقى الجماهيري للشاعر محمد بن فطيس المري

تسلم يمينك روعة الإحساس
إنتقاء راقي وذائقه جزله
ابيات مميزه وعذبه
تحياتي

الاروع اطلالتك المميزه والاروع تواجدك يالشيباني لاعدمتك

روعة الاحساس اررحبي ,,

صح الله لساان شاعرها وصح قلبك وكلك ولاهنتي نقل جزل ويشرف ,,

تقديري وتحياتي لك.

اقتباس:
المشاركة الأصلية كتبت بواسطة خالد العبيريد [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
روعة الاحساس اررحبي ,,

صح الله لساان شاعرها وصح قلبك وكلك ولاهنتي نقل جزل ويشرف ,,

تقديري وتحياتي لك.



صح كلك وتشرفت بمرورك الراقي مثلك
سلمت كلك والاهنت
لك ودي وتقديري

صح لسان الشاعر
وسلمت يمينك روعه ع الانتقاء المميز
تحاياي

صح السانك ودمت الاروع حضورك