ماهو سهيل اللي حديثه واجد

ماهو سهيل اللي حديثه واجد

نبغى لنا شاعر يسوس المبنا
ما هو سهيل اللي حديثه واجد

لا تنظر لما فوق لو قربنا
لا كان تبغى الحس يبقى ماجد

في كل حزه بالقصايد طبنا
لو كان صابك من عناها هاجد

ووجيه خلق الله لا ما عبنا
لكن ضيم الوقت جانا راجد

مبنى تحاميناه لجل كربنا
والراس للرحمن دايم ساجد

واللي يحاربنا ولا جنبنا
با اقول له والله ما هو ناجد

مادام بينا ولا قد شبنا
غيرك ترا يا سهيل جانا واجد

احد كسرنا خشمه وهذبنا
دور على اللي ضامنا لن تاجد

لا شرقو ذا القوم ما غربنا
راس الهرم لي دامني متواجد

المصدر: الملتقى الجماهيري للشاعر محمد بن فطيس المري

ونعم فيك ياناصر .. صح لسانك الظاهر ان سهيل مايدري انك لا نشبهنت في حد مازاد فكيهنته ههههههههههه

اقتباس المشاركة الأصلية كتبت بواسطة أمير الشريف ونعم فيك ياناصر .. صح لسانك الظاهر ان سهيل مايدري انك لا نشبهنت في حد مازاد فكيهنته ههههههههههه

امير ما عليك زود وصح بدنك

وسهيل مصيره يدري دام صار واحد من الاعضاء ههههههههههههههه

تحياتي لروحك الظريفه

والراس للرحمن دايم ساجد
صح السانك واعتلى شانك ياناصر وكلكم اخوان ومافيكم قصور
تحيتي لكما

..



صح اللهـ لسآنك يَ أبو ح ـسين
أنت جبل راسي .. و شآع ـر مثل حد الصقيل

تح ـيآتي لك,,,


؛

صح لسانك مليون يانااصر
وبيض الله وجهك
لاهنت

اقتباس المشاركة الأصلية كتبت بواسطة بدر الشدادي والراس للرحمن دايم ساجد صح السانك واعتلى شانك ياناصر وكلكم اخوان ومافيكم قصور تحيتي لكما

صح بدنك يا بدر والله يعلي شانك وسهيل اخ

غزيز وخالي وانت لاهنت وتسلم على المرور
تقبل تحياتي وخالص تقديري

اقتباس المشاركة الأصلية كتبت بواسطة حسن آل خريم .. صح اللهـ لسآنك يَ أبو ح ـسين أنت جبل راسي .. و شآع ـر مثل حد الصقيل تح ـيآتي لك,,, ؛

ابو سالم صح بدنك وما عليك زود يا ابو سالم

ومدحه من شاعر بحجمك تمثل لي الشيء الكثير

تقبل تحياتي وخالص تقديري