بعض قصائد عامر بن نوطان الجابر المري

بعض قصائد عامر بن نوطان الجابر المري

السلام عليكم ورحمة الله وبركاته ..

تعريف عن الشاعر :

هو عامر بن حمد بن نوطان آل جابر المري (( رحمه الله )) , وهو ابن العقيد والفارس المعروف حمد بن نوطان احد فرسان قبيلة آل مره العريقه ..

وحبيت ان اختار بعض من القصايد .. ولو استطيع كان نزلت قصايده كلها لكنها واجد ..




وننتقل الى باب قصائد الغزل :

((الحـــــزن يوجــــــع ))




الحزن يوجع مفاخت الجنيني =والحزين اللي جروحه مستكنـه

حالف ان اموت واوسّد يمينـي = لادله قلبي ولا سجيـت منـه

عاتقٍ حبه وماضيٍ له سنينـي = مقرعٍ قلبي عليه اقـراع شنـه

اجحد الخلة وانا قلبي حزينـي = واتعزز كن نفسـي مرجهنـه

ان رقدت آخذ بنومي ساعتيني = وان صحيت اتابع الونه بونـه

حي من قبل امس شاهدته بعيني = سجة ٍ وياه بعض الوقت جنـه



)) بــــــس ياعينـــــي ))




ونتي منـا الـى مالـه نهايـه = من جروحٍ في ضميري مستكنـه

بس ياعيني من الدمعـه كفايـه = المفـارق واقـعٍ لابـد مـنـه

ماحسبت حساب روحي في البدايه =عادني طربٍ وروحي مرجهنـه

مبطيٍ والحزن والينـي ولايـه= صادرٍ حكمه علي من غير سنـه

كيف يعدم واحـدٍ مالـه جنايـه = ياهل المعروف شيلوا الظلم عنـه


ونذهب الى باب القصائد الاجتماعيه حيث ابدع الشاعر في تناول القضايا الاجتماعيه
ونذكر بعض من قصائده الاجتماعيه :

))أهـــــل النميـــــمه ))




أهل النميمه والحكي والمسبـه= بين الاخوان يولعون السعيـره

ناسٍ من الحبة يحطـون قبـه = ويكوّنون من الصغيره كبيـره

مكثرة حقدك على مـن تحبـه= ومفرقه بين الخشير وخشيـره

رجلٍ كلامـه مايسنـع مطبـه = قبل يتكلم مايحاسـب ضميـره

لبّاس ثوبٍ يجهلون العرب بـه= وهو تابعٍ ممشى الوجيه الحقيره






)) عــــــــالم اليـــــوم ))





عن كشف سر الناس ماني بملزوم= وشورك لمن لا يطلب الشور ضايع

عن عالم امسٍ يختلف عالم اليـوم = متخالفيـنٍ بالشـكـل والطبـايـع

ياما من العثرات والشـوم واللـوم = الله يخرجنـا ببيـض الصنـايـع

يارب من صلى لرجواك ويصـوم = وروحه وداعه وانت راعي الودايع

يالله عسى ماني من العفو محـروم = عسى ذنوبي ماتجـي لـي منايـع



ننتقل الى باب النصائح حيث للشاعر عدة قصائد في النصح ونذكر منها مانستطيع :



)) انا ماهقيت ((

أنـا ماهقيـت يسـوي الوقـت ماسـواه ...وخان الزمان وعـادة الوقـت خوانـي
وياحـي مـن هـذي ديـاره وذا مربـاه ...ذواري هبوب النود مـن فوقهـا بانـي
أنـا يـوم شفـت البيـت متهـدم مبنـاه ...تذكرت زول كان فـي البيـت سكانـي
انادي عليه وساقي العيـن جـاري مـاه ...وأنا عارف إني لـو تحريـت ماجانـي
ظلمني الزمان اللي جبرني علـى فرقـاه ...صواديـف بقعـا شـرهـا ماتعـدانـي
صدوف الزمان وطول صبر لحقت أقصاه ...حدتني علـى مبـدا الطويلـة مسيانـي
انا قد بغيت اوقف الرجـل عـن مبـداه ...ولكـن شفـت المـوت مازيـد خلانـي
الا جيت عـد قـد نـزل مـاه وألاجـاه ...تسابق دموعي واظهرت خافي احزانـي
أنا كيف بدله واطمع ان خاطـري ينسـاه ...وأنـا كـل مامريـت مدهالـه ابكانـي
إلا جات بـه الاخبـار وإلاحـد طـراه ...ماعاد اتسمع صوت مـن زيـد حكانـي
أعيـش بخيالـه واتنـادم مـع ذكــراه ...ويدوي بي الهاجوس فـي عالـم ثانـي
يغيـم سمـاي إلا تواجهـت أنـا ويـاه ...وحتى الحكي ماعاد ينطـق بـه لسانـي
قضى العمر كله عادني في رجا لا مـاه ...وطال الرجـاء واليـاس قـام يتحدانـي
هو اللي تتوق النفـس لمشاهـدة وحكـاه ...ولاجـا بقلبـي عنـه سجـه ونسيانـي


رحم الله .. الشاعر ...عامر بن حمد بن نوطان ال جابر المري .. وسكنه فسيح جناته

مــــــــــــــــــــــــنــــــــــقــــــــــول

المصدر: الملتقى الجماهيري للشاعر محمد بن فطيس المري

الله يرحمه وتسلمين على هالنقل الطيب بارك الله فيك

يالله عسى ماني من العفو محـروم = عسى ذنوبي ماتجـي لـي منايـع

اللهم امين اللهم امين ,,


وعليكم السلام ورحمة الله وبركاته ,,

ياهلا ومرحبا حياك الله يالمريه ,,

والله ونعم بالتعريف وراعيه والله يسكنه جنة الفردوس وكل مسسلم ,,

شاعر معروف بلا شك غفر الله له ولجميع المسلمين ,,

كل الشكر لك والتقدير على هذى النقل الجزل بارك الله فيك ,,

خااالص تحيااتي وكل تقديري لك .

اقتباس المشاركة الأصلية كتبت بواسطة ابـونايف الروقي الله يرحمه وتسلمين على هالنقل الطيب بارك الله فيك

اللهم اميــــــــــــن العفو جزاك الله خير

اقتباس المشاركة الأصلية كتبت بواسطة خالد العبيريد يالله عسى ماني من العفو محـروم = عسى ذنوبي ماتجـي لـي منايـع اللهم امين اللهم امين ,, وعليكم السلام ورحمة الله وبركاته ,, ياهلا ومرحبا حياك الله يالمريه ,, والله ونعم بالتعريف وراعيه والله يسكنه جنة الفردوس وكل مسسلم ,, شاعر معروف بلا شك غفر الله له ولجميع المسلمين ,, كل الشكر لك والتقدير على هذى النقل الجزل بارك الله فيك ,, خااالص تحيااتي وكل تقديري لك .

ياهلا فيك والمرحب يبقى
ونعم فيك وماعليك زوود اللهم امـــــــين
العفو وكل الشكر لك على المرور والتعليق لاهنت

وعليكم السلام ورحمة الله وبركاته
الله يرحمه رحمةٍ واسعه
لا هنتي اختي على النقل الطيب وتسلم يمناك

دمتي بخير

ارحبي ي مريه الله يحيك وماجيتي به
بيض الله وجهك على النقل الطيب وقصايد
شاعر معروف الله لايهينك وتسلم يمينك
تحياتي لك اخوك سعيد

عوافيّ مَريّـة ..
تسلم الايأديّ ..
وديّ..

اقتباس المشاركة الأصلية كتبت بواسطة فهد ثامر البقمي وعليكم السلام ورحمة الله وبركاته الله يرحمه رحمةٍ واسعه لا هنتي اختي على النقل الطيب وتسلم يمناك دمتي بخير

اللهم امين
وياك والله لايهينك على التعليق

اقتباس المشاركة الأصلية كتبت بواسطة فراشة عوافيّ مَريّـة .. تسلم الايأديّ .. وديّ..

الله يعافيش ياروحي والله لايهينش على المرور