أبيـآت آلشعـرآء آلارتجـآليـة

صح آلسنتكم جميع

ددسن موديله من على أيام سبعين=وشلون بيجاكر ! سباق الفرآري

ري الغلآ بالشوق ماله موآسم=ياللي تغيب وتترك القآع جدبى
لا تقول لي خلك مع القلب حآسم=العشق كآفر بدل السلم حربى
الليل لإحساس المحبين رآسم=وأهل الهوى تشكى والأروآح عطبى

أعتذر أولاً في مشاركتي هذه عن عدم إستيفاء قافية أبيات الشاعره المتألقه ثورة الزير لإنشغالي لكن حبيت أشارك بكم بيت جديد ..
الهاجس اللي مرني تالي الليل .. اللي حرم جفني لذيذ المباتي
هيضني وقمت أردف الويل بالويل .. وجدد نزيف جروحي بذكرياتي
ياليت قبل يصير دمعي هماليل .. ومن قبل أسوي مثل دايم سواتي
إني رقدت ولا ذكرت الغرابيل .. اللي تبرر في المجالس سكاتي
بغيت أشالي حالتي بالمواويل .. لكن عجزت ولا وصلت لشلاتي
اكرر الاعتذار وهذه الابيات لم يطلع عليها أحد إلا من سيمر على هالمشاركه وهي بإذن الله في المستقبل القريب ستكون قصيدة وسنطرحها بالمنتدى ..

معذور يآبوعبدآلمحسن دآمهآ من قصيده وحصريه للموضوع قبل آلنشر
صح لسآنكـ يآلغآلي ولسآن ثورة آلزير وقآف ومن شآركنآ

تيآر شعري .. في آلموآقيف له شـآن=وإلى بدى .. مثل آلمزون آلمرآديـف
يبري جروح .. وسآقيٍ كل عطشآن=ويكوي كبود .. وكآشفٍ كل تزييف

صح الله بدنك أخوي محمد وموضوعك من أكثر المواضيع اللي شدت إنتباهي في المنتدى وتسلم على طيب أخلاقك ..

يفداك من حط الوسم في أسفل الساق====وأصبح يدور في ربوع الجزيره

صح بدنك أخوي محمد

وصحت السنتكم جميع

رهن الغلآ والشوق قلب ٍ ملكته=ياللي حكمت القلب وأصبح رهينك
ليتك من الهجرآن شمت وعتقته=ولانحرته والبقى في سنينك

يعطيم العافيه وهذي اول مشاركاتي في هذا الموضوع المميز


نكتوي بالهم من بعد الحبايب ---- والمدامع ماتهل الا عليهم

ااه ياللي صارلك عامين غايب --- ذابت عيوني ولا احد(ن) لد فيهم