مصافحه لقلوبكم الطاهره(مساء الخير يا وجه القصيد وشمسه وفيّه)

مصافحه لقلوبكم الطاهره(مساء الخير يا وجه القصيد وشمسه وفيّه)

إخواني إدارة ومشرفي وشعراء وأعضاء
أنه لمن دواعي سروري أن أكتب إحساسي بينكم
فأتمنى أن يروق لذايقتكم
تقبلوا تحياتي وتقديري
أختكم الشاعره / ترانيم المطر

مساء الخير يا وجه القصيـد وشمسـه وفيـه=مساءن يكتب الشوق القديـم ويسكـن بذاتي
على وجه الورق ماتت قوافل خيـر محميـه=عن النقصـان حاميهـا وذيلهـا بمـا ياتـي
أنا شاعر من أحرار البشر والصدق لي نيـه=ولي مبدأ ولا تنـزل لكـل النـاس هاماتـي
وانا مثله كتبت اصدق وفا بعيـون سحريـه=وتحديت الشجاع اللي يحاول جلـب ماساتـي
هنا أزرع بذور الصدق والأغصـان مرويـه=هنا أكتم بقايا بسمتـي فـي داخـل اشفاتي
هنا مات الوفا واحترت فـي عينـن نداويـه=هنا صعب الوقوف وخطوتي تكتـب بدياتـي
هنا يا ما كتبت الشعر فـي صـوره خياليـه=رسمت اجمل صور تحمل من التوقيع بصماتي
وهنا ضاعت ملامح نور خافت بالسماء ضيه=معالم لـو رسمناهـا تحطـم لـي مداراتـي
وفي هذا الزمن ماتـت بقايـا نفسـي الحيـه=لان الموت ياخذ ما تبقـى مـن طموحاتـي
وهنا سجلت لي قصه حكتها ابيـات شعريـه=وتم اخراجها وانتاجهـا مـن بيـن دمعاتـي
وانا لو جيت بشفاتي معالـم ضحـك مخفيـه=ترا موت الوله عندي يعانـد كـل ضحكاتـي
وانا ما اعانـد الجاهـل مدامنـي سعوديـه=ادوس بهامتي موتـي ولا تكشـف معاناتـي

المصدر: الملتقى الجماهيري للشاعر محمد بن فطيس المري

ترانيم المطر ... مصافحه رائعه و قصيده منسوجه كنسج الحرير

.. عزااام يقول كفو ... شاعره مبدعه جدا جدا

معبره بمافيه الكفايه أستمتعت بها حرف حرف

وأعتقد نسيتي حرف التاء في هالشطر (هنا يا ما كتبت الشعر فـي صـوره خياليـه

لتس أقوى تقييييم ..

اقتباس المشاركة الأصلية كتبت بواسطة عزاام ترانيم المطر ... مصافحه رائعه و قصيده منسوجه كنسج الحرير .. عزااام يقول كفو ... شاعره مبدعه جدا جدا معبره بمافيه الكفايه أستمتعت بها حرف حرف وأعتقد نسيتي حرف التاء في هالشطر (هنا يا ما كتبت الشعر فـي صـوره خياليـه لتس أقوى تقييييم ..

القدير عزام
تواجد المميزين أمثالك أنار متواضعتي
دام وجودك العاطر
وتقييمك على راسي يسلم راسك
أهنئيك على ملاحظتك صحيح الحرف سقط أثناء كتابتي للكلمه
تقبل تحيتي وتقديري ودمت بود
ترانيم

صح لسانك اختي ويهلابك ين اخوانك
الشعار واخواتك الشاعرات
لاهنتي قصيده جزله
لاهنتي وسلمتي

مرحباً يالله انك تحيي ترانيم المطر الحقيقه
بالنسبه لـــي انا سعيد وبوجودك هنا ليس
من باب المجامله عشان قلتي هذا الكلام عند مشاركتي
لاوالله بل شاعره معروفه ومكسب لا اي منتدى
تكتبين فيه وصح لسانك واعتلا شاااانك وحضورك مطر
وشعرك عطر في كل حرف وسطر تحيات اخوك سعيد مضيع حاجه

الله لا يهين اللي دعاك وعرفنا على هالنصوص الجميله
صح الله لسسانك ياترانيم مليون ولا يكفووون شاعره مميزه
وانا استمتعت بقراءتها واتمنى المزيد
شكرا لك والله يعطيك العافيه اختي

وانا ما اعانـد الجاهـل مدامنـي سعوديـه
ادوس بهامتي موتـي ولا تكشـف معاناتـي

ترانيـم حيـاك الله ومساك الله بخير ورضا,,

صح الله لسانك ولاهنتي وكفوعلى الابيات الشاااامخه ابيات شاعره متمكنه بلا شك ,,

خالص تحياتي وتقديري لك .

هنـا أزرع بـذور الصـدق والأغـصـان مـرويـه
هنـا أكـتـم بقـايـا بسمـتـي فــي داخــل اشفـاتـي
هنـا مـات الوفـا واحتـرت فــي عيـنـن نـداويـه
هنـا صعـب الوقـوف وخطـوتـي تكـتـب بديـاتـي
هنـا يـا مـا كتبـت الشعـر فــي صــوره خيالـيـه
رسمت اجمل صور تحمل من التوقيع بصماتي
وهنا ضاعت ملامح نور خافت بالسماء ضيـه
معـالـم لــو رسمنـاهـا تـحـطـم لـــي مـداراتــي


بداية رائعة ونص فاخر
من شاعره مميزة ،
نحن موعودون على التميز في قادم النصوص
لذا ننتظر جديدك بشغف،

تحياتي شاعرتنآآ،،

تقييم مستحق++
اعتذر حاليا لانتهاء التقييم،،

صح لسآنك يالغلآ ..

قصيدهـ رآئعه

وبانتظآر الاجمــل ..

وانا ما اعانـد الجاهـل مدامنـي سعوديـه

ادوس بهامتي موتـي ولا تكشـف معاناتـي

كفوووو يا تراانيم المطر الله عليييك على القصييدة الراائعة و الجزلة نترياا جديدك على أحر من الجمر

تقبلي مروري+تقيمي....