لجميع الاعضاء ,,معليش بس هذي الصراحة ماعرف غيرها..

لجميع الاعضاء ,,معليش بس هذي الصراحة ماعرف غيرها..

السلام عليكم ورحمة الله وبركاته

بسم الله عليكم اعرف انكم بخير وبنعمة

... مالكم بطويلة ..


آنا من شهر لثاني وانا اناقز من منتدى لمنتدى انبط تسبدي .. كل مرة اسحب علي المنتدى الفلاني

حتى ربي جابني هنا >>>بس قاعدة على قلوبكم مابنقز لمكان


طلبت من "أنتين " من صاحباتي يشتركون معي بالمنتدى هنا وقلت أعضاء ولا احلى سواً بالمواضيع او ردود وحتى تواضع ...

كل اللي جاني منهم قالو : والله اعذرينا اضفنا مواضيع وطلبنا ترحيب ,,أبد ولا شي فانسحبو ..>>وقتها تفشلت لكن عادي صاحباتي ونمون على بعض ..

آنا احب الصراحه والوضوح ومثل مايقولون كلمة تستحي منها بدها

اعضاء أرى ان بالمنتدى شي لابد من التغيير ...

فية مواضيع جدا هامة ,, نافعه ,, هدافه ,, محـــــــــــد يعبرها لية قولكم ؟؟؟


لان هالعضو غير معروف جدا باقي جديد نوعاً ما ,, ليس عضوو مرموق وله اهمية ..

عذرا منكم وعفوا ع صراحتي .. فية مواضيع أجد الردود فيها تفوق الخيال

أيضأ البعض تواجدهم اكثر من ردودهم مدري هو تكبر ..يقرا ويطلع ، معليةاستفدت على عيني وعلى راسي لكن لاتنسى ان العضو جديد يريد تحفيز وتشجيع ويطلب راي ونقاش ,, مانزل موضوع عشان تسنتر تحت يبي رآآي او شكر..



توي شفت موضوع عضو جديد " بدون ذكر اسماء " موضوعها جدا رائع

ردود (2) لاترحيب لاتشجيع لا شكر ولاااشي .. اذا ماشفتها ثاني والله مالومها .. آنا انقرت


الخلاصـــه : المساوة واعطاء كل موضوع حقة ... ليس لان هذا غير عن هذا ..

اركــــــــز على الاعضاء الجدد ,, لاتكسرو مجاديفهم من اول طرح لهم ..



بالنسبة لي أنا اميل للتنزيل المواضيع الجادة والغريبة وابتعد عن المضحكة والساذجه
’’ اعتذر من الاشخاص اللي يدخلو مواضيعي ويسنترون على الفاضي انا لا ارررريد الله الغني مانزل اي موضوع في قسم حرية الفكر الا من مجهودي واريد فية النقاش واراء مو القى عضو مسنتر ع الفاضي آنس نفسك برا "

معليش كتبت الموضوع وانا فيني قهر وطفش وزعل ,, وطلعت ابو ابو الصراحه ,, اللي بيزعل من كلامي ياعضاء يقول آتقبل النقد ...

آذآ بقي الحال على ماهو علية ,, سآكتفي بوجودي بمدونتي ..

عذراً على صراحتي ,, تحياتي ,,

المصدر: الملتقى الجماهيري للشاعر محمد بن فطيس المري

صدقتي خيتي باللي قلتيه
وشيئ وكل الاعضاء الجدد يعانون منه

//

عن نفسي عانيت ومازلت
المواضيع اللي انزلها
انسخ رابط الموضوع وانشرهـ في الملفات الشخصية
ومع ذلك مو كل اللي ارسلهم يردون
وبعذرهم وسلآمتهم

الله لايجيب الزعل بين الاعضاء
واللي قلتيه من حبك للمنتدى
وماقصرتي يالبتول

//

رعاك الله

مرحبآ بتووول
إحنا بالمنتدى صايره هذي القضيه عندنا قضية الشرق الاوسط

أنا كم مره أرد وأقول اللي ينزل هذا الموضوع لايعم الكل
ياختي 7000 عضو ماشاء نعمهم كلهم
لأ..

وماألومك بهذا الشي يمكن أنا اعاني منوو مو غير الاعضاء الجدد
لكن مانعم كل الاعضاء

وعن صحباتك أنا اطلب منك تنزلي رابط مواضيعهم هنا بهذا الموضوع

صراحة استغرب تقولي ماأحد رحب فيهم
عندك وليد والعابر ومبارك الشمري ورمز
للامانه كل عضو يرحبوو فيه

صح إحنا نقصر بس مانسيب الموضوع كدا فاضي

لاني اعرف نفسي إذا دخلت منتدى ماحصلت ترحيب خرجت

بس خاصة عندنا هنا
وأقولها بكل صراحة إذا جيت جديد
ولاأحد رحب فيك استمر لان راح ندخل معاك بمواضيعك
ونكون يد وحده بإذن الله


وبالنهايه أتمنى من أي شخص يطرح قضيتنا هذي
مايعم الكل
ويحاول يجيب الكلام باسلوب ماحنا داخلين مضاربه إحنا

كل شي بالتفاهم ينحل

ولاتنسي بتول جيبي الرابط هنا حق مواضيعهم إذا ماعليك كلافه ظروري نبغاه
وإذا حصلت وليد وإلا عابر ومبارك رادين ومرحبين
راح اجي هنا وارد مره تانيه بإذن الله وبس هذا اللي عندي

وأتمنى ماتزعلي من الصراحة

اقتباس المشاركة الأصلية كتبت بواسطة عزي لحالي صدقتي خيتي باللي قلتيه وشيئ وكل الاعضاء الجدد يعانون منه // عن نفسي عانيت ومازلت المواضيع اللي انزلها انسخ رابط الموضوع وانشرهـ في الملفات الشخصية ومع ذلك مو كل اللي ارسلهم يردون وبعذرهم وسلآمتهم الله لايجيب الزعل بين الاعضاء واللي قلتيه من حبك للمنتدى وماقصرتي يالبتول // رعاك الله

انتي يادووبه والله إنك مثبته وجودك
رغم قصر اقامتك
ولاتقول كذا عكس اشوف الكل معاك تمآم..
بمواضيعك وردودك وشخصيتك
وأنا اقولك ليش لأنك جيتي
وعلى طول دخلتي معانا
ماخليتي حاجز بيننا
المهم قلبي لاتشيلي هم إحنا مع بعض بإذن الله

مرحبا فيك اختي بتول
اتكلم عن تجربتي الشخصيه في هذا المنتدى
انا دخلت من حوالي شهر وشوي وأول شي سويته اني فتحت لي مدونه
ومافتحت موضوع للترحيب لا في هذا المنتدى ولا في غيره
وكنت اشارك بس في المدونه وشوي شوي خذت على الجو والمكان
وصرت اشارك معاهم في اغلب الأقسام وانا ماعرف حد فيهم ولا هم يعرفوني
المقصد من كلامي الي له شخصيه و فارض نفسه واسلوبه
مايحتاج ترحيب مع انه واجب علينا انا انرحب فيكم و ان شاءالله مانقصر
في حقكم لا في ترحيب ولا في غيره وان شاءالله انكون عند حسن ظنكم
حياك الله اختي ولاتحرمينا مواضيعك
تحياتي

اقتباس المشاركة الأصلية كتبت بواسطة العنيدهـــــ مرحبا فيك اختي بتول اتكلم عن تجربتي الشخصيه في هذا المنتدى انا دخلت من حوالي شهر وشوي وأول شي سويته اني فتحت لي مدونه ومافتحت موضوع للترحيب لا في هذا المنتدى ولا في غيره وكنت اشارك بس في المدونه وشوي شوي خذت على الجو والمكان وصرت اشارك معاهم في اغلب الأقسام وانا ماعرف حد فيهم ولا هم يعرفوني المقصد من كلامي الي له شخصيه و فارض نفسه واسلوبه مايحتاج ترحيب مع انه واجب علينا انا انرحب فيكم و ان شاءالله مانقصر في حقكم لا في ترحيب ولا في غيره وان شاءالله انكون عند حسن ظنكم حياك الله اختي ولاتحرمينا مواضيعك تحياتي

صح عليك عنوووده
عجبني كلآمك
وأنا كمآن زيك دخلت على طول
بدون ترحيب
بس انتي شوي شوي لكن أنا لأ
هجموم ع طول هههههههه

المفروض أنا ادخل مكان اثبت وجودي فيه بعفويه أحسن من نكون قاصدينها

وبس الله يوفقنا ويوفق الجميع يارب
بالنهايه كلنا اخوان واخوات
مافيه فرق بين هذا وذاك

ترى العقليات تختلف والأمزجــه تختــلف

مو معني عدم الرد ع موضوع .. بسبب العضو

يمكـن الموضوع ماستفزني حتي أرد عليه
ويمكن مزآجي مو مسآعدنــي ع الرد
وبرجع وقت ثاني
بالاخيــر لآزم نعذر باقي الاعضاء
والعضو لا ييأس ..يحاول يثبت جدآرته بموضوع ثاني
تري حتي انا محاكيتكم صح مشرفه
بس أحيانا يسحبون علي ولآيردون

معاك حق في بعض كلامك ..والباقي أختلاف معاك فيه ..
1- بعض الموضيع مايحمسك لا عنوانه ولا طريقة كتابته ..
2- أنا بعض موضيع من أفكاري الخاصه ..وأحياناً ماتلقين ردود كثير ..مع إني متأمله فيه ..عندي موضوع
الردود 8 والزوار 101..
بس هذا مايعني الواحد يكسر مجاذيفه ...يحااول بموضيع آخر ..
وعندي موضوع أسمه السجن الادبي أول مشاركه لي وتفاعلوا تفاعل جميل مع أنهم مايعرفوني ..
3- مرضي الناس كااااايد ..
الناس أذواااق ..

وتسلمي ع صراحتك ..خيتووو ..

تقبلي مرووري ..
..
..
شقيه

يابنت العم اثبتي وجودك بكذا موضوع ومايحتاج اذكرها ولما رديتي للمنتدى ما شاء الله كثثير رحبوا فيك وبرجعتك .....وكما لاتعلي قلبك اللي يرد ع الموضوع اهلاً وسهـلاً واللي مايرد مايهمك ....

بتوووله اعرفك دائم مميزه ما امدحك علشان اني اعرفك بس هذا الصدق ......وواثق الخطوه يمشي ملكاً ..

لك حــبي ......ســـلوفه

طيب وين المشكله يالبتول وترى لافيها كسر مجاديف ولاشي
اي عضو يطرح موضوعه اللي يبيه
والاعضاء الباقين موجودين ويقرون ويشوفون اللي يبي يرد يرد
واللي مايبي يرد لايرد
يمكن ماعجبه الموضوع او ماله خلق يرد عجااااااز يعني