( قاصد كريم + فهد الهباش)

[فهد الهباش]

ارحبووو مليون جميع


منووورين يالغوالي

 

 

 

 

 

 

 

 

توقيع : فهد الهباش

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] الآدمي لو كل شيٍّ بشوره = ما ضاق من دنيا العنا والغرابيل لا شك من لا صار نفسه صبوره = حكوا به العالم قروم ومهابيل[/poem]

[قـاصد كـريم]

دامها هذي علومك لاعليك ولا عليه
لاتخاف عيوني الثنتين في مثلك حنونه

رح بامان الله في دربك عسى دربك عذيه
مير لاواجهت بعض الناس خل عندك مرونه

[فهد الهباش]

الخوي مــنّـا لـيـا مــنّه تمـازح مــع خـويّه
يمزح ويضحك ولا يكسر عصاه ولا سنونه

ابشر ابشر يا خـوي الروح ما تبغى وصيّه
مـير راع الغبغب المليان خايف من شطونه

[قـاصد كـريم]

ارحب يارايد حياك الله

وياهلا بالجميع

[قـاصد كـريم]

ههههههههههههههههههه

[العنيدهـــــ]

صح لسانكم متابعين

[قـاصد كـريم]

قهوتك ياكن فيها حب حرق وحب نيه
لاتحمسوا البن بالمحماس ياللي تحرقونه

مير شب النار ياشباب وادن الجمر ليه
وانت طالع راعي الفن وتعلم من فنونه

[فهد الهباش]

تشرب القهوة صباح وتشرب القهوة عشية
ثم تعذرب كيف معروفي يا قاصد تجحدونه

راعي الفن يتعــزوى مــير يا قـرب المنيّه
الله يكــثّـر لـكـم فالــبن يـاللي تــطحـنونه

[فهد الهباش]

بيض الله وجهك قآصد ، وبيض الله وجه الحضور

ولنآ لقآء بإذن الله..

دمتم بود

[قـاصد كـريم]

لاهنت ماقصرت

ودنا انها استمرت

بس الظاهر مابقى من الليل غير حق النوم

وأشكر كل من حضر الله يعطيكم العافية

واعذرونا من التقصير

نعوضها لكم بإذن الله

جمل الله حالكم