ماعـاد لـه فـي لـذة الـنـوم مقـسـوم

[عنود الصيد]

السلام عليكم ورحمه الله وبركاته ..

من القصايد اللي نالت اعجـابي ..وحبيت اطرحها لكم ..لان رايكم يهمني
واسمحولـي لانـي ادري ما اطرح الا قصايد
بس شسوي احب هالقسم واميل للشعر كثير
وانشالله تنال اعجابكم

.
.

قلب المقفي ماعلـى صدتـه لـوم
وقلب المخلا غلطته فـي اندفاعـه

ادركت غلطت خافقي في الهوى يوم
عزم على الفرقـا وقـدم وداعـه

صبرت يوم اني على الصبر ملزوم
مالي على شي(ن) سواه استطاعـه

مشتاق لكني من الوصـل محـروم
والصبر طال وطال عمر انقطاعه

العام من وسع الفضا شوفي يحـوم
واليوم ضاق به الفضـا واتساعـه

ماعاد له في لـذه النـوم مقسـوم
ليله عتيم وشـح وقـت انقشاعـه

اوقات لاداعب جفوني هوى النـوم
طيفـه يسبـب صدتـه وامتناعـه

واوقات تقبل دمعه البيـن واقـوم
اردها والدمع صعـب انصياعـه

الحب بيته عقـب غاليـه مهـدوم
بأسباب فوعات الولـه والقطاعـه

عليه ترقى لوعه النفـس وتـزوم
اكنهـا وتلوعنـي كـل سـاعـه

والحال مهما طال لايمكـن يـدوم
عندي على طـول الليالـي قناعـه

من طاوله ليل الجفا عاد لـه يـوم
يقنـع ويعلـن للمحبـه وداعــه