( خالد العتيبي + mexes )

[خالد العبيريد]

الجميع صح الله ابدااانكم وبلا شك حضووركم داافع للحماس والعب ,,

كل الشكر والود لكم جميعا ً .

 

 

 

 

 

 

 

 

توقيع : خالد العبيريد

سبحان الله وبحمده,, سبحان الله العظيم,, لااله الا الله محمد رسول الله,, لاحول ولاقوة الا بالله العظيم أستغفر الله,, اللهم أرزقنا العفو والعافيه في الدنياء والاخره.

[هوى الغربي]

خالد العتيبي


مرحبا في حلة ٍ منطوقها عبر الكتابه=من هجوس ٍ ماتجيب الا الجزيل من الكلامي



ودنا بلي ليا منه مشى خط الحرابه=يعرف لـ مـدخال رجله عن متاهات الزحامي





mexes

البقاء بك يالمرحب وانت ذيب من الذيابه = ياعسى هاجسك ياصل مقصدي وغاية مرامي

يالعتيبي قودها واحنا معاك بكل جابه = ماتــعدي لــيلتك هـذي علــى برد وسـلامي




خالد العتيبي


بارك الله فالرجال الي لهم قدر مهابه=تدرك المضمون لو فاقت على درك الغمامي

ياعميل الخير كم برق ٍ نخيله في سحابه=ماجبرناها على شايب وولا راس الغلامي



mexes


يالعتيبي يالعتيبي عز سيفك من نصابه*
نعرف الشئ الحلال ونعرف الشئ الحرامي*

يا عميلي كل مخلوقٍ مقدرله حسابه*
معك انا واقف وبعد الجهد حنا ما نلامي**



خالد العتيبي

كيف تاخذها وهي من كل العرب فيها طلابه=مابقى غير اللقى والا العرب ضيم وضيامي
والله ان العرف ياراع الوفاء مفتـوح بابه=مير خلك وسط نور الحق عن درب الظلامي

[هوى الغربي]

مبدعين شاعريين مميزين ونحترم ظروفكم
ومثل ما قال خالد كلنا محكومين بالاتصال
بس ياميكس ودك تلعب باسمك ماهوب احسن من المستعار
صح السنكم والله لايهينكم جميييع

[فهد الهباش]

لا هانتو جميع
صحت الالسن والابدان ،
وننتظر جديدكم يا شعراؤنا المبدعين
الف تحية لقلوبكم،،

[فهد جاسم]

مالها رجل ٍ مسمى وان تسمى يا هلا به = من يجيب العلم الاوحد قال انا رجلٍ عصامي

يالعتيبي كان لك في الوقت دعوه مستجابه = خلها في شجرة الزيتون والا في الحمامي

[فهد جاسم]

هوى الغربي

الله يبيض وجهك يالغالي

فهد الهباش منور

[خالد العبيريد]

كل من مر واشاد بالتعليق والحضور جززيل الشكر والتقدير له ,,

صح الله ابدانكم ولاهنتم ,,

هوى الغربي لاهنت على التنسيق بيض الله وجهك ,,

خالص تحياتي للجميع ولاهنت ياميكس صح كلك وتشرفت معك .

[فهد جاسم]

حياك يا خالد

وسامحنا على القصور ,

[خالد العبيريد]

مامنك قاصر ياوافي ابقاك الله على كل الغلا والعز ,,

خالص تحياتي وكل الود .

[ترانيم المطر]

مبدعين لااااااااااااا هنتم
تقبلووا تحياتي وتقديري