ونتي لابان نور الفجر

[شامان المري]

السلام عليكم ورحمة الله وبركاته
صبحكم الله بالخير ياوجيه الخير

حبيت اصبح بابيات ارجو ان تنال ع اعجابكم

يقول:

ونتي لابان نور الفجرعقب العتيم====مثل ونت طيب الراس لاكثرو عداه

اوكما ونت يتيم توصى في يتيم====كلما قال اليتيم اه بانت في حشاه

من سبايب من خذ القلب واقفى من قديم=====وراحت الايام وانا اتحرى في رجاه

لابدا وصله ولاضمد الجرح الاليم====والسنين تروح والصبر وصل منتهاه

مبتغاي يعود الوصل والحب الحشيم====يالله انك تفرح القلب وتحقق مناه

تعكس اسباب المواصل على وجه العظيم====بسمت (ن) تليق بالعاشق وفي مستواه

قلتها وانا اترجى رجا الشخص الفهيم====وان عصت رجواي باقولها فالمنتهاه

ونتي لو طول البعد والله العليم====ونت اللي مات قدامه اعز خوياه

 

 

 

 

 

 

 

 

توقيع : شامان المري

[rplayer]http://youtu.be/5kwHAJOCP-w[/rplayer]