( معاناة ..بلا ..سبب)

[فهد الهباش]

جديدي:
( معاناة ..بلا ..سبب)


يـانـجـم يـالـلـي تـسـهــر الـلـيــل كــلّــه
جــاوب نديـمـك يــوم نـــاداك بـسـكـات

أدري كــــذا طـبـعــك وطـبـعــك جـبـلّــه
لـكــن نـديـمـك يـسـهـر الـلـيـل ونّــــات

الله مــــن هـــــم(ن) بـقـلـبــي مـحــلّــه
أصـبـح شريـكـه بالـشـقـا والـمـسـرّات

والـصـبـر طـــال ومـــا يـطــوّل نـمـلّــه
ولا لـقـيـت أدنــــى ســبــب للـمـعـانـات

أواصـــل الأصـحــاب والـــدرب أدلّــــه
ولاني مقصّـر فـي فـروض الصـلاوات

ولا هــو بلاحقـنـي مــن الـوقــت ذلّـــه
ربعي هل الطالات من ماضي (ن) فات

حـتـى الـهـوى يـالـلّـي تـقـولـون عـلّــه
قطعـت دربــه مــن زمــان أوّل ومــات

ياقـلـب قـلّـي ويـــش هـــم (ن) تـشـلّـه
تكـفـى تــرى العـالـم تـحـب الشمـاتـات

يـاطـيـب طـيـبـك كـيــف هـمّــك تــزلّــه
وأنــا عـلـي تـبـدي جـمـيـع الـعـلامـات

إي والله إنّــــــي يـالـنـشـامــى إي والله
أسهـر بـلا سـبّـه واهـجـرس بالأبـيـات

وضـعـي خطـيـر وضحـكـتـي مسفـهـلّـه
ولا لـقـيـت أدنــــى ســبــب للـمـعـانـات



تحياتي :
فهد الهباش،،،

 

 

 

 

 

 

 

 

توقيع : فهد الهباش

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] الآدمي لو كل شيٍّ بشوره = ما ضاق من دنيا العنا والغرابيل لا شك من لا صار نفسه صبوره = حكوا به العالم قروم ومهابيل[/poem]