قصيدة المعايدة لهذا العام 1433هــ

قصيدة المعايدة لهذا العام 1433هــ

سلام الله وانا في العيد حاضر= اقول الشعر وانقد شعر شاعر
ورثت العرف من جدي وابويه=وانا في ماقفي مازلت نادر
اصوغ بيوت شعري من جزالة=ليا غنيتهاماني بخاسر
اغنيها واسج الفكر وافخر= على منبر ومن خير المنابر
امام اهل المعرفة والتحية=تنومسنا فعايلهم وتاسر
قلوب الكل والتقدير ديدن= لنا والربع عراف وثوامر
يعزون الثلاث البيض لنا= من الماضي وفي الوقت المعاصر
قبايلنا على خير المذاهب= على تقوى ودين الله عامر
نجل الضيف ونقدر مقامه=وصفطانه دليل اللي يباشر
نرحب به وله فالقلب مسكن=ملامحنا تبين امن المشاعر
خوي الجنب في عز ومكانه=نقف دونه ولو شفنا المعابر
نقف بالحق ما نظلم ونظلم=ونصدع بالحقايق ما نكابر
وجار الربع يامن في غيابه=ويهنأ في منامه غير ساهر
ويبقى الجار لوقلنا وقلنا=وصار البحر للشاعر محابر
الا يالله وفق كل ربعي = وعبدالله وعبدالله وجابر
شيوخ القوم ياعزوة وملنا=ورثتوا العرف كابر بعد كابر
ليا صكت وصار الجو مظلم=وكثر الهرج في عجة وغابر
تجد كل التأني واللباقة=وحكمة عاقل في الوقت صابر
وطنا والوطن في القلب غالي=تكون الروح فدوة لاتذامر
ولا نا له ولي خادم بيوته= حبيب الشعب فيما راد يأمر
ليا زاد الجهل واغتر غيره = يزود ابحكمته وارد وصادر
نلبي دعوته والكل جاهز= ليا صار الجهاد ابقدر قادر

الشاعر عبدالله السفياني

المصدر: الملتقى الجماهيري للشاعر محمد بن فطيس المري