امسي ملك فالحب .. والصبح مغتال

[ظافر العرجاني]

السلام عليكم ورحمة الله وبركاتة

اول شي اعتذر عن الغياب هالفتره والسبب الظروف ولا يعلمها الا الله ولا انا شفقن عليكم يشهد الله علي

وثاني شي جبت لكم ابيات متواضعه
واتمنى ان تنال اعجابكم

ماعاد لي شف(ن) ولاعاد لي بال
مالي ومال الحب يامدورينه

امسي ملك فالحب والصبح ... مغتال
هذا الصحيح وكلنا عارفينه

بعض العرب حاله ترا ماهو بحال
ذاق العنا منّه وبيّح كنينه

والبعض الآخر في سعاده ويختال
لكن مع الايام باسمع ونينه

الحب فتره ثم ياقف ولو طال
ماقد سمعنا حب دامت سنينه

والادمي مهما تعلق بالامال
رب البريه كاتب(ن) في جبينه

قلته وانا عايف ولاعاد لي بال
مالي ومال الحب يامدورينه

وسلامتكم