 |
 |
 |
منذ /06-21-2012, 08:40 PM
|
#1 | |||||||||||
|
صلفات الجزايل ..
اتمنى ان ترتقي لذوائقكم صلفات الجزايل جيت انشد المعنى وأنا حابـك القـاف وبيوت شعـري جيـت أركّـز وتدهـا ما اخاف من كثر الشواعير ما اخاف وسوات صلفـات الجزايـل رصدهـا في بحره أسعى بعد ما آخذ به إطواف وعندي خبر رمل الشعر مـن جلدهـا شاعر بأصوغ القافيه جتنـي اطيـاف أيـام عمـر(ن) منـه ذاقـت لهدهـا سنين إبداعي على غيـري إعجـاف كل(ن) بغى السلعه بصبـره حصدهـا واليوم أنا في ساحة الشعـر سيّـاف ورأس الهزايـل شلتهـا مـن جسدهـا أغوص في غب البحر ما ارجع إنكاف أجمـع فرايـد توّهـا فـي مهـدهـا شعر(ن) بصوتي يندبل عشرة أضعاف يجلي عـن العيـن العميسـه رمدهـا أكتب مابيـن المبهـم وبيـن شفّـاف من فضل ربي قـل مـن هـو نقدهـا أصوغهـن ثنتيـن وأسيّـر الهـاف مـن صعبهـا تتعـب وتنثـر زبدهـا أقفز حواجز شعر(ن) ولا بي إخـلاف ولا هـوم فارسهـا ولـد يـا سعدهـا عينه على العليا على رأس مشـراف فـي عزتـه يرقـى بلـيـا نكـدهـا يمشي بخطى سحبه على جو مصياف وناتج مسيـره مـع لجايـج رعدهـا شعر(ن) ينومس من تهقوا به وشـاف كـل الجواهـر لمّهـا فـي رغـدهـا يا بنت حق الغير مـا فيـه إجحـاف كل(ن) بضنّـه ساحتـه هـو أسدهـا وش قولتك نروي احاسيس(ن) اجفاف فزّة به عروق(ن) وجى مـن سمدهـا نحييه في وصل(ن) على حروف نيّاف ونخلّي الرمضـى لمـن هـو نشدهـا برسم على جمـرة شفايفـك أهـداف لسنيـن جمعتنـا مـع اللـي حسدهـا حنا قربنـا وعشبنـا بالوصـل زاف وهملولـه الزاخـر عليـنـا بـردهـا جيت انشد المعنى وقد قلت ما اخـاف مـادام شعـري والنعـم قـد حصدهـا وسلامتكمـ
|
|||||||||||
|
 |
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض الشجري
|
|
الساعة الآن 03:46 AM
