غيبتك عني مثل قطع العبادة \\ جديدي

[رائد العصيمي]

السلام عليكم

صباحكم ومسائكم رضى يارب

قصيدة جديدة لي ان شاء الله تحوز على رضاكم

يقول:

صدك وبعدك يبغى صبر وجلادة
والمشكلة مقدر على كل الاثنين
غيبتك عني مثل قطع العبادة
وجهي بعدها مكتئب صاير ن شين
والدمع غرّقني وكل الوسادة
من كثر ماابكي وارتجي جعلك تلين
هذا حطب وصلك وهذا رماده
وانا ترا رمّد فؤادي من سنين
شفني بعد ماغبت عفت السعادة
اللي منوّل وسط عرق الشرايين
ياوجد حالي وجد منهو مراده
انه يشوف الي على القلب غالين
لكن وقته والعنا والقرادة
حطت جدار ن كنه جدار برلين
بينه وبين الي غلاهم عيادة
تعالج جروحه من الهم والدين
كنه وكني بالاصل والشهادة
لكن هوه وين وانا بعد وين
زادتني الدنيا وهمي زيادة
ولخصتها دمعة وبكوة وبيتين
ياجرح قلبي يادواه وضمادة
وشفيك تبعد والعمى داهم العين
في ذمتي غيبتك ماهيب عادة
ارجع عساك تداوي القلب ويزين

وسلامتكم

 

 

 

 

 

 

 

 

توقيع : رائد العصيمي

اللهم اشرح صدري ويسر امري اللهم انصر اخواننا المسلمين في سوريا .. اتمنى من الجميع الدعاء لهم بالتوقيع تويتر ( رائد لمتابعة قصائدي والتواصل معي ) [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] مدونتي (ياركني الهادي تراني نصيتك) [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]