( رائد العصيمي - فهد الهباش )

[محمد الشريف]

حي ذا الشوف شعار من كبار الشعار يتقابلون ويسببون ازمة في القصيد ههههههههههههههههههه
وليلهم حامي وانا من متابيعنهم

 

 

 

 

 

 

 

 

[فهد الهباش]

حياك يا محمد نيابة عن اخوي رائد
الشرف لنا بمتابعتك ،،

[رائد العصيمي]

هذا الزمن ياصاحبي وش علامه
شفت الصقر يكفخ سواة الحمامة
كلن من الايام يبغى السلامة
والصبر زين وكل مطرود ملحوق


يالي لاله يالي لال ( قدم عين الحاضرين )
يالي لاله يالي لال ( دون دفنة او لوي )
يالي لاله يالي لال ( ماش غث ولاسمين )
يالي لاله يالي لال ( يالصحيب التربوي )

[رائد العصيمي]

مرحبا بك يامحمد ومرحبا في مشاعر

منورين

[فهد الهباش]

هذا الزمن فيه العليمي تلطّش
من زود ضيمه قام ماه يتنطّش
ما كـلّ شـيّن قلبي اله يتعطّش
( والصبر زين وكل مطرود ملحوق)

يالي لاله يالي لال ( تنظر بعين الحزين )
يالي لاله يالي لال ( وش علاج المنطوي )
يالي لاله يالي لال ( ما اندفر كتفٍ متين )
يالي لاله يالي لال ( شكل قلبك منـشوي )

[أمير الشريف]

اشهد انها محاوره رهيبه .. كملوا لا هنتوا
<< متابع وبقوه

[رائد العصيمي]

كلن بعينة يحسب انه زعيما
لو كان من طيب الفعايل عديما
وانا على بعض الحبايب حليما
والصبر زين وكل مطرود ملحوق


يالي لاله يالي لال ( فالمواقف صامدين)
يالي لاله يالي لال ( نكوي العالم كوي )
يالي لاله يالي لال ( ياصحيبي موفقين )
يالي لاله يالي لال ( دربكم درب علوي )

[فهد الهباش]

اللي على شآني قلـيبه مشتّت
الظآهر انْ قلبـه من أوّل مفتّت
يآ بآشة العـتـبان شدّت وفكّت
" الصبر زين وكل مطرود ملحوق"
الي لاله يالي لال ( فيك دائم حاجتين)
يالي لاله يالي لال ( قرم وتحبّ الضّوِي)
يالي لاله يالي لال ( ننتظر حينٍ بحين )
يالي لاله يالي لال ( ننتظـر للمـثـنـوي )


...............................
اشكر كل من حضر ،
واشكر النجم والمبدع دائما رائد العصيمي
تشرفت باللعب معه ، لبى قلبه ولبى قلوبكم ،،

....
والان لعيون رايد نتابع مباراة العالمي،
نشوف وجيهكم بخير،

[رائد العصيمي]

صح لسانك يابو هباش

انا الي تشرفت باللعب معك

مدرسة في الشعر والاخلاق والمرجلة


موفق خير يارب

[بنت برقا]

الله عليكم
محاوره رائعه جدا
وتسلم يارائد
وتسلم يافهد
ثنائي رائع