رشيديات ( شعـر )

[رشيد]

الشوق دمعاته تواسي حنيني




اول وقلبي لك من اعوام شفاف
واليوم ما ودي جروحي تبيني
تقول طمني عسى ما بك خلاف
واكذب عليك أمن الغلا يا ضنيني
وأقول طيب دون ضيق وتكلاف
وانا بسجن الهم عقبك سجيني
وسادتي جرح الغلا والعنا الحاف
والشوق دمعاته تواسي حنيني
يأخذني الهوجاس في كل مشراف
واخفيت همي بين قلبي وبيني
في داخلي يسكن من الهم أصناف
موزعه ما بين قلبي وعيني
الصدر ضايق والحشا صابه اجحاف
والله على هم الليالي يعيني

-

عبدالله داود العصيمي التميمي


.

 

 

 

 

 

 

 

 

توقيع : رشيد

. Rule NO. 1 : Rshed Is always right Rule NO. 2 : If Rshed Is wrong see Rule NO. 1 -

[أم عمر]

صح لسان الشاعر عبدالله داود العصيمي التميمي


ولا هنت رشيد انتقاء جميل


تحيتي وتقديري

[ماجد الشيباني]

تسلم يا رشيد على هالطرح
ودي

[رشيد]

-


يقول الشاعر ماجد الشمري :

...
..
.


الله يا سرع الليالي والايام
راحت سنة من عمرنا مادرينا
قبل امس أذكر توّنا بأول العام
واليوم بالعام الجديد ابتدينا
لاهين بالدنيا على حمر الانعام
نضحك على الدنيا وتضحك علينا
ناسين أن الخاتمة في متر خام
تربت يدينا صدق تربت يدينا
ياليت كلٍ يحسب حساب قدام
ونحاسب انفسنا على ماجنينا
خلونا نعمل ماتبقى من اعوام
نرضي به الله لين يرضى علينا





.

[سااهر]

.

أهل القلوب الخضر
...........
سعدالشليل
..
.

لقيت نفسي وببساطه.. أبنجن

.. إذا على ذا الوضع معي استمريت !

مرت سنه والقلب ماشتاق ماحن ؟

فوق السنين الي بها لك تحريت

ولا زلت لك وافي ولا أخلفت بك ظن

لأنِك إنت.. الي بعمري تمنيت

ياما عليّ... القلب في حملته شن

لمجرد التفكير بالبعد وأزريت

ومدري متى بتقول لي.. إطلب إتمن

وأقول لك كفيت شكرا .. ووفيت

كَذب شعورِ.. قال لي وأكثَر الزن

إنك نسيت الأمس.. وإلا تناسيت

وأهل القلوب الخضر تعطي بلا مَنْ

وانا معك ياكم وياكم ضحيت

ولقيت نفسي وببساطه أبنجن

إذا كذا يازين معي.. استمريت !


.

[سااهر]

يقول #مرشد_البذال :

كم واحد مغريه رايه ولو ضاع

في خاطره عنده لمن ضاع تسنيع

وكم واحد للي يشيرون مطواع

للي عطاه الرأي ممنون ومطيع

قلبه ليا شاروا هل العرف سماع

أخذ من الأريا ثمرها بلا بيع

وكثر التجارب درس والدرس نفاع

فيها لذربين الرجاجيل ترفيع

.

[سااهر]

ياطول ركضي وراك وياكثر صدك

ماكنك اللي سلبت العقل ياكافي

محلك القلب كان ان الغلا شدك

من غفلة الشوق صح النوم ياغافي

اخر علومك يقولون الجفا حدك

وشلون دليت درب الوصل ياجافي

-

#شعر / #ضيدان_المريخي


.