ودّي أرحل ما يناسبني الزحام

[تراتيل السكون]

غاب ضوّ الشمس و إزداد الظلام

و كل شمعه بالشوارع .. طافيه ..

إستعرت الصمت من فم الكلام

الحروف أحيان : ماهي كافيه ..

خطوتي صارت على حد الحُسام

من غدت كل الأماني : حافيه

طفلة الما .. ذبلت أوراق الغرام

بعد ما كانت علينا .. ضافيه ..

الجفا ما كان لي برد و سلام

حيييل مشتاق المطر يا جافيه ..

ألف مرّه قلت لك : بُعدك حرام

كيف أدفا بلا كفوفٍ دافيه !

في غيابك كانت الفرحه حطام

و كانت إيدين المواجع وافيه ..

ردي لـ صبحي تغاريد الحمام

حاولي بشتّى الدروب الخافيه

و رتّبي لي دمعتين ..بلا ملام

ودي أبكيك بـ ليالي لافيه ..

أو خذيني للبعيييييد من الغمام

الرحيل أحيان : ديره شافيه !

<h3>

ودّي أرحل ما يناسبني الزحام

و أسكن أنفاس الغيوم الصافيه ..

عُمر هذا الحزن فيني ما ينام

و فرحتي نامت منام العافيه ..

طفلة الما / مالت غصون الكلام

و الحروف حلول : ماهي كافيه !

ما يموت الشعر في صدري مدام

غيبتك وزن و حضورك قافيه ..

راقت لي

):

 

 

 

 

 

 

 

 

توقيع : تراتيل السكون