جتني تخطى بالقدم داخل السوق ..........

[ضامي الشوق]

جتني تخطى بالقدم داخل السوق
تقصر الخطوه وترخي نظرها

وامن الخجل ماعاينت بالنظر فوق
لو كان تبغاني سحاها جبرها

مصيونةٍ عن كل عاشق ومعشوق
الا معي رب الخلايق سخرها

وانا بعد ماجازلي كل مخلوق
بالمملكة من برها لابحرها

الا الذي حبه دخل كل معلوق
حطم شرايين الفؤاد ودمرها

اللي حكمني بالهوى حكم فاروق
سيطر على خمس الحواس وسحرها

نغمات صوته سحر مع كل منطوق
اعيدها في الذاكره وافتكرها

مافيه قبله حط في كبدي حروق
اضحك مع العالم وكبدي سمرها

ولا للحياه بغير طرد الهوى ذوق
لو ان حلاها مايعادل كدرها

ماني بلاول في هوى البيض مسبوق
كم واحدٍ دمعة عيونه نثرها

مجنون ليلى قد توفي من الشوق
يوم ان فرقا صاحبه ماقدرها

 

 

 

 

 

 

 

 

توقيع : ضامي الشوق