ادب فاشل للشاعر حمد بن فطيس

[عيوني حزينه]

اعرف بعض لوووقات لا سرت مشغول
واعرف بعض لوووقات لا سرت فاضي

دنيا مهي تبقـى بحـالٍ علـى طـول
كن حن بهااا علـى قضيّـا مقاضـي

من جااا يعدل ميلهـااا قيـل مهبـول
لعبة ورق فيهااا المسيطـر يغاضـي

الزور يقلب حـق!! والحـق مجهـول
والحـق مـا منـه مـلاذ وتغاضـي

كثر النفاق.. ودار حـولٍ بثـر حـول
ماكـن كثـر البلبلـه حكـي فاضـي

ومن لا توقى في الرماضـي بزربـول
يحـرق سماريّـه مسيـر الرماضـي

(وارويبضه) لوقال ما هـو بمسـؤول
قبل امس ما يسأل وذالحيـن قاضـي

خضت البحر وانا اتحاشا عن الدووول
خوف الهلامي يلحق السـاق شاضـي

البايع الشـاري مـع النـاس مقبـول
بيع وشرا عااادي.. قبـول وتراضـي

الى اجتمع مرهي وشاعر ومخبـول؟؟
خلطـة ادب فاشـل تثيـر امتعاضـي

تشرى الذمم واتباع بالعرض والطـول
والكـل ينظرهـااا بعينـه وراضــي

المال خلاّ غير معقووول؟؟ معقـوول!!
مااالوم نجـم الاغنيّـه قـام ياضـي

ياللاسف.. ما كـل منقـول مقبـوول
ثوبٍ مشجّر جنّب ثـوبٍ ابياااااضـي

قلته وانا بالفعل برهنـت مااا..اقـول
وعلى جبااااا الريان تنسف احياضـي

وعن ما حصل للشعر ماني بمسـؤول
ما دامنـي مبـدي عليـه اعتراضـي

 

 

 

 

 

 

 

 

[حمود المورجي]

ما دامنـي مبـدي عليـه اعتراضـي


وانت مبدع والله

صح لسآآنك وتسلم يمينج ع النقل

[مميز خلقه]

قمة الرووعه والجزاله

الله الله عليك يامحمد ابن فطيس

صح الله السانك مدد بلاعدد

شكرا على النقل

[جـنـون الـحـب]

صح لسانك ملايين يا بو حمد

" عيوني حزينه "

كل الشكر لك

[عيوني حزينه]

لاهنتم جميعاً على مروركم العذب



تحيه تليق بكم

[,, عسـّـاف ,,]

.
.
وش هو الشعر يـ أبو حمد إذا لم تلك " ملكه " ؟
صح الله ألسانك مليوون و رايتك بيضا .

لاهنت لاهنت يـ الأمير ع الإنتقاء الراقي
وعافاك ربي ..

[ريميّة العز]

صدقت حينما نطقت بها يا أبو حمد

لافضّ فوك

[عاشق الصحراء]

صح لسانك يابو حمد....عسى الله لا يحرمنى من وجودك .....تحياتي للجميع

وشكر خاص لمن اتى لنا بهذه القصيدة

[هبايب نجد]

يعطيك الف عافيه ع النقل ,,, لا هنت

[,, عسـّـاف ,,]

.
.
الله الله .. صح الله ألسان أبو حمد
قصيييدة أكثر من جميلة و رائعة .

صح ذوقك و إنتقائك و نقلك
ولاهنت يـ الأمييير ..