يـاطـيـر حـظ الـلـي .. حمد بن فطيس

[عيوني حزينه]

يـــــاطير حـظ اللـي لمثلـك يعيّـن
من دون عقلانك تتالـت اوجابـك

غريّت بك واثر السبب كان هيّـن
انقص فجأه مـن رداه وغـدا بـك

واوما جناحك يطلـع الجـو ليّـن
وطير ٍ يشوف امسوح ريشك يهابك

من جاب مثلك ما خسر لو تديّـن
لا سامك اللي رافـع ٍ فتـح بابـك

مافيه شي ٍ من وصوفـك يشيّـن
شكلك ..والى جاك الزبون التوا بك

ماريّتك فعل ٍ علـى الوجـه بيّـن
اما وسم .. والا نتيجـة مشابـك

صوره لهـا رب المخاليـق زيّـن
تاقف على ارض ٍ سوّرتها حرابـك

الله يحطك فـي نصـد كـل ديّـن
اللي تسوقه شيمتـه ليـن جابـك

قرم ٍ على اسمي في الشريحه تبيّن
قد ذاق لوعات الضياع ولفـا بـك

يامااطيّبه من هـو لمثلـك يعيّـن
دوّر لرقمي في (قطر) لين جابـك