يا قلب لا تشكي همـومكـ على النـاس

[بـنت أبـوي]

***


يا قلب لا تشكي همـومكـ على النـاس
ما كل شخص(ن)يعذركـ في مصابكـ

لا تسكب الدمعهـ على خـد حسـاس
ولا تحرق اوراق الزهر في عتابـكـ

ولا تضيق الصدر المولع بالانـفـاس
ولا تقطع عروق(ن)بكت عند بابكـ

يـا قـلب والله مـابقـى بعينـي انفـاس
يومكـ شكيت الحب محد(ن)درابكـ

النار تحرق سوى رجـل مـن داس
واللي كواهـ الحـب يفـهـم خـطابكـ

قبلكـ شرب مجنون ليلهـ من الكاس
واليوم نفس الكاس تسقى شرابكـ

يا قلب اعرف معدنكـ معدن المـاس
توفي لحبيب الروح لو هو رمابكـ

يا قلب خـلـكـ بالشدايد قـوى بـاس
لا تلتفت للجرح لـو هـو سطـابـكـ

يا قلب لا تسقى عروقكـ من الياس
وخل الامل والصدق دايم زهـابكـ

ما دام طاحت فاسكـ اليوم بالـراس
اعذر جميع الناس واخفي عـذابكـ

 

 

 

 

 

 

 

 

توقيع : بـنت أبـوي

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] *استغفراللّه