يامل قلـب يسـج ..عبدالله بن عون..

[الفلوه]

يامل قلـب يسـج أوفيـه دولاجـه

من واهج بالضمائـر قـام يدرجهـا

مغير أسير تقـول امضيـع حاجـه

واخذ وأسند علي روحي وأهرجهـا

وادوج لو كان ما رجلـي بدواجـه

أدلـه النفـس لـيـه الله يفرجـهـا

في معزل عن كثير الخلق وازعاجه

ما سمع من الناس لو تكثر لجالجهـا

يالله ياللي بيـدك الضيـق وافراجـه

ياخالق الخلـق ياقاضـي حوايجهـا

تفرج لعيناً إلـى غفـت بسوهاجـه

تجهز عليها الطواري لين تزعجهـا

بالصدر ضيقه ونوم العين هملاجـه

عيناً من العـام والسهـر أمتولجهـا

نومٍ سهرها شديـد ونـوج سهاجـه

ونوجٍ تكن الدموع ونـوج تزعجهـا

عليك ياللـي بقلبـي كـأن وهاجـه

وهاج نار هـوا الغربـي يسارجهـا

راعي ثماناً كمـا الياقـوت لعاجـه

كاءن البرد يوم يضحك في مفالجهـا

يا روح روحي وزع القلب وانتاجـه

الطف بروح عليـك الهـم ساهجهـا

وشي ينفعك من حنين القلب واخلاجه

وجروح أسبابها انـت ولا تعالجهـا

أما التفتلـه وتـم الوصـل بمواجـه

والا بـلا عشـرةٍ هـاذي نتائجهـا

الفلوهـ ..اتمنى تروق لكم وردى لاارواحكم الجميله