ياسايق الجمس تكفى خفف السرعة..سيارتي لادعست البنص تعصيني

[رائد العصيمي]

السسلام عليكم..

شخباركم؟

احب اقدم لكم قصيده جديده لي يارب تعجبكم..

عنوانها(ياسايق الجمس)

يقول:

ياسايق الجمس تكفى خفف السرعه
سيارتي لادعست البنص تعصيني
لاجيت اباكبس بنوري تطفي الشمعه
وحالت خطوط المسافه بينك بيني
ماابغي اجاكرك واللي نزل الدمعه
ابغى اتأكد من الي شافته عيني
لمحت لي في غمارة موترك لمعه
ضخت دماء الهوى داخل شراييني
وصحت جروح ن لها بصمه لها طبعه
وسط الخفوق المعذب دوم تشقيني
هذا وانا ماعرف المزيون وش طبعه
واحترت ودي اعرف الزين من ويني
هي بنت ناس ن لها قدر ولها سمعه
والا من الحور سيدات المزاييني
نهر الهوى بي مصبه عندها نبعه
لامن عطش خافقي هالنهر يرويني
فيها وصوف الحلا والزين مجتمعه
ومعها عيون ن تحداني وتغويني
اخالف إهدى الولي في دينه وشرعه
ثم ارتكب لي مصيبه بأول سنيني
وانا الذي حافظ ن شوفه على سمعه
مااثرت بي وانا ديني مقديني
لكن روّح مادامت ليله الجمعه
واحفظ كلام الخواطر يانظر عيني

وسلامتكم

ارحب بأي نقد ولاتحرموني من تقييمكم لها

فمان الله

 

 

 

 

 

 

 

 

توقيع : رائد العصيمي

اللهم اشرح صدري ويسر امري اللهم انصر اخواننا المسلمين في سوريا .. اتمنى من الجميع الدعاء لهم بالتوقيع تويتر ( رائد لمتابعة قصائدي والتواصل معي ) [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] مدونتي (ياركني الهادي تراني نصيتك) [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]