من يقول ان دمعة الرجال عيب..اشهد انه ماهو بحول الصواب

[نايف الشمري]

يا عذابي كل ما حان المغيب
وارتسم لونه على لون السحاب
والهدو يطغى على الجو الرهيب
هاضني شوفه وشرع كل باب
واستثار الشوق جرح مستصيب
وغنت جروحي على ليلي عذاب
حولت بي كل هم من شعيب
واستباحت حرمة القلب المصاب
وقامت الذكرى على قلبي تجيب
الهموم اللي من اسباب الغياب
عزتي للي مفارق له حبيب
واحد قلبي معه من يوم غاب
لا ذكرته تنزل دموعي صبيب
من سبايب خاطر فالحب ذاب
صرت كني لاجي ولا غريب
دور الماء ما لقى غير السراب
العرب في سيب وآنا لي فسيب
ضاقت الدنيا بعيني والرحاب
من يقول ان دمعة الرجال عيب
اشهد انه ماهو بحول الصواب
تنزل الدمعه غصب ماهو بطيب
لجل من ترخص على شانه رقاب
لو يخيب الظن ظني ما يخيب
يلعن الحظ الردي لو يوم خاب
لو شربتك ما رويتك ياللبيب
سل حال اللي غديتي له شراب
لو حروفي فيك يقراها اديب
كان الف من معاناتي كتاب
ولو يردك عن بعادك شق جيب
قلت يالمضنون تفداك الثياب
اسمعو قولي وانا ربي حسيب
دام ما فوق التراب الا تراب
من مشى دربي ترى دربي صعيب
حيله يوقف ويعلن لانسحاب
والحياه اقدار والصايب يصيب
كود ينفعك الدعاء المستجاب
والمحبه اصلها حظ ونصيب
والهوى ما بين غربه واغتراب
ومن يقول ان دمعة الرجال عيب
اشهد انه ما هو بحول الصواب

../ للمبدع ..,حمد البريدي

 

 

 

 

 

 

 

 

توقيع : نايف الشمري

[ذكريات]

تنزل الدمعه غصب [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]بطيب
لجل من ترخص على شانه رقاب

الله يعطيك العافيه يانايف على هالاختيار الموميز
والغير مستغرب منكـ
لاهنت يالغالي
وفي أنتظار جديدك

[شآسع المري]

تنزل الدمعه غصب [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]بطيب
لجل من ترخص على شانه رقاب

على البر انه صدق
هالله الكلام وافي والجزآآله حاـظره في القصيده

والمعنى ووحسن الاختيااار


صح اللسانه وبيض الله وجهك

[الماسـه]

نايف مـــرررررهـ حــلــووووهـ القصيدهـ
الله يعطيكـ العافيه يارب

[مبارك الشمري]

تنزل الدمعه غصب [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]بطيب
لجل من ترخص على شانه رقاب

يالبا قلبك ياولد العم ابيات ذووق اشكرك على الابيات وختيارك لهن

تحياتي تقبل مروري

[حلم~]

سلمت يمينك على هالطرح الجميل
ناطرين جديدك بكل شوق
دمت بود

[محمد الوريكي]

يازين ماخترت
قويه وجميله والله يعطيك الف عافيه

[فهد الهباش]

صح لساان حمد مليوووون
وصحت ايمينك ترليوووون
لاهنت وبيض الله وجهك
يااامشرفنا الغااالي

[اسير عيونك]

يا عذابي كل ما حان المغيب
وارتسم لونه على لون السحاب
والهدو يطغى على الجو الرهيب
هاضني شوفه وشرع كل باب
.................................................. ...........
صح لسانك ولسان شاعرها
الف شكر على هذا الانتقاء المميز
وما هو غريب عليك التميز يابو نوف
اطيب التحايا

[نايف الشمري]

.., ذكرياات

هلا والله وغلا منور يابعد حيي

لاعدمت هالطله المميزه

تحيه لك